أعلن الإعلامي خالد الغندور عن وصول بابا فاسيليو المدير الفني السابق لأندية غزل المحلة والبنك الأهلي إلى مصر.

وكتب الغندور : “بابا فاسيليو وصل مصر يا تري هيدرب مين؟” .

علي الجانب الآخر وجه الإعلامي خالد الغندور رسالة نارية للنادي الأهلي عبر حسابه بموقع التواصل الاجتماعي فيسبوك.

وقال الغندور : عمر ما فيه زملكاوي قلل من دوري الأبطال و العكس هو اللي الصحيح كثير من الأهلاوية بيقللوا من الكونفدرالية طالما الزمالك وصل النهائي و كمان بيتريقوا و بيقولوا علي الأندية مراكز شباب و لما ترد عليهم و تفحمهم يعملوا نفسهم هما اللي مظلومين .

وتابع الغندور : يا حبيبي انت اللي بتقلل و أنا عمري ما قلت ان الكونفدرالية اقوي من دوري الأبطال و لكن انت مش بتلعب مع أندية عالمية و الدليل ان بتوع الكونفدرالية اللي انت بتتريق عليهم فرقة كسبتك بداية الموسم ده في السوبر الأفريقي اسمه اتحاد العاصمة و حصلت علي البطولة و الزمالك لسه كسبانك في الدوري و نهضة بركان كسبت الوداد اللي كسبك اكثر من مرة في النهائي و حصلت ايضاً علي السوبر الإفريقي .

وأضاف الغندور : و دريمز اللي انت بتتريق عليه كان معاك نادي اسمه ميدياما بطل الدوري الغاني مش فريق عالمي و دريمز كسبه في الدوري و الكاس و نادي فيوتشر مش فريق ضعيف مثله مثل سيمبا و يانج افريكانز منهم اللي كسبك و منهم اللي اتعادل معاك و منهم اللي كسبته يعني عادي .

واختتم حديثة قائلا : في النهاية انت معاك منتخب مصر و أغني نادي وأقوي رعاية في أفريقيا كلها و أعلى عقود لاعبين باليورو و الدولار و معاك اغلي مدرب أجنبي في القارة السمراء يبقي ركز مع فريقك و تمني له الفوز و أنا أركز مع فريقي وأتمني له الفوز.