الشاذلي مش بتاع صفقات.. شاب تصدر منصات التواصل الإجتماعي المختلفة، بسبب بيعه منتجات وملابس مختلفة بثمن زهيد، ليقوم "الشاذلي" ببيع فستان الزفاف ب50 جنيهًا وبدلة الزفاف ب150 جنيهًا، ليتعجب رواد السوشيال ميديا من تلك الأسعار وعدم تصديقها.

وقام "الشاذلي" بتصدر تريند مواقع التواصل الاجتماعي المختلفة، ومنها تطبيق "تيك توك" للفيديوهات، حيث يقوم بالإعلان عن منتجات وملابس بأسعار يتعجب منها الجميع، وفي التقرير التالي سوف نتعرف عن من هو "الشاذلي" صاحب التريند.

الشاذلي صاحب التريند

عبد الله رمضان حمدى، وشهرته "عبد الله الشاذلي"، هو شاب من محافظة الجيزة وتاجر في ملابس الرجال بشارع ضياء المتفرع من شارع فيصل داخل محافظة الجيزة.

بدأ الشاذلي مهنته ببيع الإكسسوارات في الشارع، حتي تمكن من فتح متجر للملابس خاص به داخل شارع ضياء، وبدأ تجارته في ملابس السيدات، ولكن قرر أن يتاجر في ملابس الرجال ومن هنا بدأت "صفقات الشاذلي".

صفقات الشاذلي

وقرر الشاذلي الدخول في عالم "التيك توك"، فبدأ الشاذلي بعرض ملابس الرجال في فيديوهات مع عرضها بأسعار زهيدة، والغناء في الفيديو بطرق مختلفة، ليصبح الشاذلي تريند "الأغاني والملابس" علي منصة التواصل الاجتماعي "تيك توك".

ثم بدأ الشاذلي بعرض "صفقات" مختلفة عبر التيك توك بأسعار خيالية، ليقوم ببيع فستان الزفاف ب50 جنيهًا، وبيع بامبرز الأطفال بجنيه واحد، حتي أنه قام ببيع البصل ب3 جنيه للكيلو الواحد.

الشاذلي مش بتاع صفقات

وكشف عبد الله الشاذلي في تصريحات له، أن هدفه ليس المكسب من الصفقات التي يقوم ببيعها، ولكن هدفه هو تقديم السلع والمنتجات التي يحتاجها الناس في ظل جشع التجار الذين يقدمونها في السوق بأسعار غالية.

وأوضح الشاذلي: "أنا عارف الناس اللي بتعاني ومتقدرش تجيب الملابس الغالية، أنا واحد من الناس دي بشوف ناس كتيرة ومختلفة، الشاب الصنايعي اللي بيشتغل والأم اللي عندها أولاد يتيمة أو الأب اللي مش معاه فلوس يجيب لابنه لبس".

الشاذلي بطل قومي

وتابع الشاذلي: "بعامل الناس بقلبي وخصصت جزءا من ربحي في الصفقات للناس دي، مش بحب حد يحس إني بمن عليه أو أكنه محتاج، بخلي الناس تشتري بكل كرامة بأقل الأسعار".

وأشار الشاذلي: "قررت أقدم للناس صفقات مختلفة واللي بيحتاجوه في حياتهم اليومية زي البصل والبامبرز الأطفال، وبعدين بقدم الرفاهية، مليش علاقة المنتجات دي بتتباع بكام أنا ببيع بسعر أقل أخدم بيه الناس، والشاذلي اتحول عند الناس لشخص عشمانين فيه أو لبطل قومي بيجبلهم أي حاجة هما محتاجينها".

علي المايك وأعمل لايك.. البامب بإيه.. عملنا سبايدر مان

أما عن أغاني الشاذلي الذي يقوم عن طريقها بترويج الملابس وعرضها عبر التيك توك وتصدرها التريند، قال الشاذلي: "ببعد عن كل الطرق التقليدية اللي بيتبعها التجار في السوق، القطعة وقطعة هدية أو القطعة وعليها التانية بخصم، وعملت ترويج للملابس بالأغاني بشكل مختلف".

وعقب الشاذلي: "الأغاني اللي بعملها بتطلع تريند وأنا مش مرتبلها، بالعكس دا أنا وأخواتي بنقولها سوي وبتفاجئ إنها بقت تريند زي أغنية "علي المايك وأعمل لايك" وأغنية "البامب بإيه ب ١٥٠ جنيه" وأغنية "عملنا سبايدر مان"".

تعليقات رواد السوشيال ميديا

كما تحدث الشاذلي عن تعليقات رواد السوشيال ميديا التي يتلقاها علي الفيديوهات الخاصة به، عبر تطبيق "تيك توك"، وقال الشاذلي إنه يوجد بعض التعليقات التي تتسبب في ضغوطات أو صعوبات عليه بسبب الانتقادات التي توجه له، فمنهم من يعلق علي عدم جودة المنتجات التي يقدمها، أو كونه يقوم بتلك الأفعال من أجل الشهرة.

وعلق الشاذلي: "الحمد لله أنا مش بركز مع الانتقادات أو التعليقات السلبية، وبحب أركز في شغلي وأقدم أحسن حاجة عندي للناس، وبفرح أوي بالتعليقات الإيجابية وخصوصًا الدعوات من الناس اللي بتخليني أكمل واستمر، الدعم هو أهم حاجة".