EN 
كشفت الفنانة شيرين رضا عن بعض الأسرار التى تلتزم بها فى روتينها اليومي للحفاظ على جمالها ونضارة بشرتها بشكل مستمر .
وقالت شيرين رضا خلال لقائها ببرنامج "ضيفي" تقديم الإعلامي معتز الدمرداش، الاحتفاظ بالجمال الدائم والحيوية يعتمد على نوعية الأكل ،والنوم بشكل منتظم ونصحي بدري علشان الشمس تدينا فيتامين د ، ودي حاجات المفروض تبقى بديهية.
وأضافت شيرين رضا ، قائلة: "أنا بساعد نفسي وبروح أعمل مساج على وشي كل أسبوعين، وإحنا زي العربية محتاجة بنزين وصيانة كل شوية عشان متبوظش، فأنا بعمل صيانة دايمة".
دعم شيرين رضا للقضية الفلسطينية:
نشرت الفنانة شيرين رضا تعليقا عبر حسابها على موقع التواصل الاجتماعى تويتر سابقا وx حاليا وتدعم فيه فلسطين.
وقالت شيرين رضا: مش عارفة أكتب إيه لأن اللي بيحصل ده فوق الوصف. جريمة واضحة ضد الإنسانية والعالم كله قاعد بيتفرج وساكت. فين حقوق الإنسان؟ ولا دي منظمات مدفوعة الأجر، مين يدفع أكتر؟.. مصدومة وحزينة ومش عارفة أعمل إيه غير إني أدعيلهم. يا رب صبرهم على هذا البلاء وخفف على قلوبهم وسامحنا على قلة الحيلة".
وحلت الفنانة شيرين رضا مؤخرًا ضيفة على برنامج ABTalks ، وكشفت عن نصائح والدها الفنان محمود رضا لها، وأيضًا الدروس التي تعلمتها خلال حياتها، ورأيها في الزواج والطلاق.
وقالت شيرين رضا : أنا بعتبر نفسي فتاة.. مش ست كبيرة.. وشايفة نفسي بنت عندها 28 سنة.. ولما توصل 30 سنة بتكون بلغت.. وأنا لسة مبلغتش.. ومش بحاول أصغر نفسي وأتصرف كطفلة.. وأنا فتاة بحاول أكتشف تجارب كثيرة ولا زلت.
وأضافت شيرين رضا : والدي قالي وأنا صغيرة أنتي حلوة أوي وده هيسبب لك مشاكل كتيرة، قلت له إيه ده ليه لكن.. اكتشفت إن لما بتكون صغير في السن مبتفكرش في اللي هيحصل، ولما كبرت فهمت إن الجمال بيخلي الستات هتغير والرجالة هتحاول تقرب منك.
