EN
شهدت مدينة دمنهور عاصمة محافظة البحيرة، واقعة مأساوية، حيث تجردت ربة منزل من كل مشاعر الإنسانية والبر بالوالدين.
تقول فايزة شاكر، 76 عاما، مقيمة مدينة دمنهور بمحافظة البحيرة، لـ صدى البلد، إنها جلبت ابنتها وزوجها للعيش معها، من أجل مساعدة ابنتها في تربية أولادها، مضيفة: كنت بخدمها وشايلاها.
بث مباشر :
https://fb.watch/nY-DWNkRRr/?mibextid=v7YzmG
وتابعت: كنت أبقى نايمة تصحيني من النوم وتقولي قومي هاتي حاجة من البقال اللي تحت، وأجيب بسكويت لابنها، وكان الجو بيبقى برد، وكنت بسمع كلامها وأقوم أنزل.
وأضافت: ضربتني وأهانتني وطردتني من شقتي وبقولها دي شقتي قالتلي شقة أي روحي شوفي قبر يلمك الشقة دي شقة ابني، وكنت بشتريلها كل حاجة هي وزوجها من فلوسي ومكنتش بخليها تجيب حاجة.
وأشارت الأم إلى أن ابنتها الكبيرة طردتها من شقتها وهي حاليا تعيش في منزل نجلها، مضيفة: ساعدتها بشقتي علشان تسكن فيها هي وزوجها علشان مكانش معاهم فلوس يشتروا شقة، وكل ما أجي أطلبها منها تقولي ملكيش عندي شقق روحي شوفيلك تربة.
واستكملت الأم: أنا اللي بنيت البيت دا وشيلت الطوب بتاعه على كتافي علشان أساعد زوجي، وهي جاية تستولى عليه هي وزوجها، ربيتهم بعد وفاة زوجي وفنيت عمري علشانهم، والناس كانت بتقولي اتجوزي لكن رفضت علشان أربي ولادي، وفي الاخر ضربتني وطردتنى من شقتي.
