حصل صدى البلد على نص تحقيقات النيابة العامة في واقعة قيام أب ونجليه وشخص آخر بالتخلص من شخص بمنطقة اأوسيم، وننشر الآن نص أقوال نجل الضحية.

نص أقوال نجل المجني عليه

اسمى : على سيد احمد محمود سيد

سنی ۲۳ سنه اعمل : فلاح

س/ ما صلتك بالمتوفى (سيد أحمد محمود سيد) ؟

ج / هو والدى

س/ ما معلوماتك بشأن الواقعة محل التحقيق ؟

ج / كل اللي حصل إني كان في واحد صاحبي أسمه / محمد ابراهيم أحمد مصطفى شوارب وشهرته / حمد سماحه اتعرض لواقعة سرقة في المحل بتاعه واضرب هو وواحد تانى و اللى سرقوه / عصام أحمد جلال عبد اللطيف خليل وأخوه سلامه وأخوهم أحمد ومحمود وأحمد ابن سلامه ومحمد ابراهيم ده جاء قالي على اللى حصل وأقنعته أنه يروح يعمل فيهم محضر وفعلا راح عمل محضر وأتهمهم فيه بالسرقة والضرب وهما عرفوا بالكلام ده وأنا ماشى فى البلد عند الزراعات عادى مع محمود حميده السيد مدين في يوم لقيتهم طلعوا عليا وخدونى أنا وهو في مزرعة فى المناشى ولقيتهم حطلنا أسلحه ناريه وبلغوا عننا الحكومة وفعلا الحكومة جاءت خدتنا أنا ومحمود وعملنا محضر وهناك أتهمنا أحمد جلال بالخطف وفي الآخر خدنا إخلاء سبيل والقضية لسه شغاله ورقمها ۱۰۲٤٤ لسنة ۲۰۲۲ جنح منشأه القناطر وبعدها ناصر على محمد على قريبى قالى أنا هروح أشهد معاك في القضية دى أن انتى معملتش حاجه وفعلا قدم طلب علشان يتسأل فهما عرفوا بالكلام ده وفى يوم الحادثة بتاعت أبويا سلامه وعصام وجمال واحمد احمد جلال ومصطفى جمال جلال طلعوا على ناصر وضربوه بالاسلحة البيضاء وساعة ناصر ما كان بيتضرب كان في طفل معاه / اسمه / يوسف أحمد عبد العزيز زين الدين جرى على أبويا الله يرحمه المتوفى وقاله أن ناصر بينضرب ومات وفعلا أبويا جرى على المكان اللى ناصر فيه بيضرب علشان يشوف في ايه و انا عرفت أن أبوبا راح فأنا جريت وراه علشان الحقه وأول لما وصلت المكان سمعت صوت ضرب نار انا استخبيت فى كومه تراب علشان ما اتعورش وشوفت ثلاثه بيضربوا واحد فى الأول باسلحة بيضاء وبعد كده ضربوه بالنار بس انا مكنتش محقق الاشخاص مين بالضبط علشان كانت الدنيا ضلمه وفضلت مستخبي وشويه اتعرفت عليهم وطلعوا / سلامه أحمد جلال عبد اللطيف وعصام أخوه وشعبان عبده خليل هما الى كانوا بيضربوا ساعتها وبعد كده وأنا مستخبي لسه لقيت احمد بيتصل بيا ويقولى تعال قابلنى بسرعة علشان أبوك أضرب ولما روحتله قالي على المكان الى أنا كنت فيه وقالي أبوك هناك ورجعت أنا وهو على المكان وجريت على الشخص الى كان مضروب ولقيته فعلا ابويا ومضروب في دماغه باسلحه بيضاء وفى صدره بسلاح نارى والناس أتلمت وبعد كده بلغنا الحكومة حتى لما الحكومة جاءت أضرب عليها نار لحد ما حملة نزلت وهما هربوا ودا كل اللى حصل.

[[system-code:ad:autoads]]

س/ متي وأين حدث ذلك؟

ج / الكلام دا حصل يوم الجمعه الى فات ۲۰۲۲/۹/۱٦ الساعة ٦:٣٠ مساء في برطس أوسيم بارض زراعية.

س/ ما سبب ومناسبة تواجدك بالمكان والزمان سالفي الذكر ؟

ج/ انا كنت رايح أشوف أبويا والحقه علشان كنت خايف عليه.

س/ من كان برفقتك آنذاك تحديدا؟

ج/ أنا كنت لوحدى

س/ وكيف نما الى علمك محل تواجد والدك المتوفى إلى رحمة الله أنذاك ؟

ج/ علشان الواد الصغير الى اسمه / يوسف قالى على المكان بالضبط

س/ وهل كان والدك حاملا لأسلحة أو أدوات حال توجه الى محل الواقعه أنذاك ؟

ج/ لا

س/ ما سبب توجه والدك لمحل الواقعة تحديدا ؟

ج/ علشان يلحق ناصر على محمد على مدين علشان كانوا عائلة احمد جلال بيضربوه وجاله خبر أنه مات

س/ وما التصرف الذى بدر منك أنذاك حال علمك بتوجه والدك لمحل الواقعة؟

ج/ أنا جريت على المكان بسرعة علشان الحقه

س/ وهل كنت حاملا لأى أسلحة أو أدوات انذاك ؟

ج/ لا

س/ ما الذي تلاحظ لك حال وصولك لمحل الواقعه انذاك ؟

ج/ أنا أول ما رحت سمعت صوت ضرب نار ولقيت ثلاثة متجمعين على واحد وبيضربوه ولما وقع أتجمعوا عليه وفضلوا يضربوه وبعد كده كان بيجرى منهم فضربوه بالنار بس مكنتش اعرف مين دول علشان كانت الدنيا ضلمه وبعد شوية لقيت الثلاثة اللى كانوا بيضربوا طلعوا على الطريق بس أنا كنت مستخبي وشفتهم طلعوا سلامه أحمد جلال عبد الطيف وأخوه عصام وكان الثالث شعبان عبده جليل

س/ حدد لنا أشخاص المتهمين تحديدا القائمين بالاعتداء على والدك وإزهاق روحه؟

ج/ كلا من / سلامة أحمد جلال عبد اللطيف وعصام أحمد جلال عبد اللطيف وشعبان عبده جليل

س/ وما هى الاسلحة والأدوات التى كان حاملين لها سالفي الذكر تحديدا ؟

ج/ سلامة كان معاه بندقية آلى وعصام كان معاه بلطة وشعبان كان معاه شومة

س/كيف تمكنت من تحديد شخص المتهمين وكذا الاسلحة التى كانت بحوزتهم بالرغم من أقرارك بمكان الواقعه كان مظلم؟

ج/ أنا في الأول كنت مستخبى من ضرب النار وكنت بعيد عنهم بس لما هما قربوا وطلعوا على الطريق شويه عرفت أحددهم وشفت هما ماسكين أيه.

س/ وهل وقفت على شخص الذى تم الاعتداء عليه أنذاك؟

ج/ أنا عرفت أنه هو أبويا بس مش ساعتها لان الدنيا كانت ضلمه وأنا عرفت لما رحت قربت منه بعد ما هما مشيوا

س/ حدد لنا كيفية اعتداء المتهمين كلا من سلامه أحمد جلال عبد اللطيف وعصام احمد جلال عبد اللطيف وشعبان عبده جليل على والدك تحديدا ؟

ج/ هما ضربوا ناحيته طلقات نارية كثير وبعد كده وقع على الارض وأتجمعوا عليه وفضلوا يضربوه بأسلحة كانت معاهم عبارة عن بلطة وشومه.

س/ وما المسافة التي كانت تفصل فيما بين المتهمين ووالدك حال التعدى عليه ؟

ج/ معرفش أحدد المسافة بس بعد ما ضربوا نار ناحيته كثير وجريوا عليه وضربوه وهو واقع على الأرض.

س/ وأين استقرت تلك الضربات تحديدا؟

ج/ في ساعتها مكنتش شايف بس لما رحت ناحيته وعرفت انه أبويا لقيته واخد طلقة في صدره ودماغه مضروبه جامد و مفتوحة

س/ كم عدد الأعيرة النارية التي تم إطلاقها من قبل المتهمين تجاه والدك انذاك؟

ج/ مقدرش أحدد لأن هما ضربوا نار كتير لدرجة إن أنا كنت خايف ومستخبى ساعتها

س/ ما الذي حدث عقب اطلاق المتهمين تلك الأعيرة تجاه والدك؟

ج/ هو وقع على الأرض

س/ وما التصرف الذى بدر من المتهمين عقب ذلك؟

ج/ هما جريوا عليه وفضلوا يضربوه وهو واقع في الأرض

س/ كم عدد الضربات التي كالها المتهمين لوالدك في تلك الوضعية انذاك؟

ج/ مقدرش أحدد هما ضربوه فى دماغه فيها أصابات كثير وضربوه في رجليه

س/ وما هي الفترة الزمنية التي استغرقها المتهمين حال تعديهم على والدك المجنى عليه تحديدا؟

ج/ معرفش أحدد لأن ضرب النار اخذ وقت طويل ساعتها

س/ وما التصرف الذى بدر من المتهمين عقب ذلك؟

ج/ هما دخلوا في الأرض الزراعية واستخبوا ناحيه العشة بتاعتهم

س/ وما التصرف الذى بدر منك أنذاك؟

ج/ وأنا مستخبى جالي تليفون من أحمد رجب وقالي تعال قابلنى علشان أبوك أضرب ورحت جريت عليه في الارض قريب من مكان الواقعة وقالي ده ابوك أضرب في المكان هناك وقلتله أنا كنت هناك وجرينا بسرعة على المكان ولقيت أبويا هو اللى مضروب وميت وغرقان في دمه واتصلنا بالحكومه وبعد كده الحكومة جاءت وضربوا عليها نار ولغاية لما جاءت حملة والعيال هربوا وجريوا من المكان

س/ وهل كان المتهمين على علم مسبق بساعة ومكان تواجد المتوفي إلى رحمة مولاه في مكان ارتكاب الواقعه؟

ج/ هما مستنين اى حد فينا علشان يموتوه علشان المشاكل اللى مابينا .

س/ وكيف وقفت على ذلك؟

ج/ علشان هما هددوا أبويا أكثر من مرة ومن أسبوعين قبل الوفاة أبويا عمل تلغراف للنائب العام وأشتكى فيه سلامه وعصام أن هما بيهددوه بسلاح ناری وتم قیده إداري وابويا بعد كده جاء اتسأل في النيابة وقال كل التفاصيل بتاعت الشكوى بتاعته .

س/ وما هو رقم ذلك المحضر تحديدا ؟

ج/ هو رقمه ٥١٥٨ لسنه ۲۰۲۲ ادارى أوسيم

س/ وهل قصد المتهمين إزهاق روح والدك المجنى عليه / سيد أحمد محمود سيد أحمد حال اعتداءهم عليه؟

ج/ ايوه

س/ وكيف وقفت على ذلك ؟

ج/ علشان هددوه أكثر من مرة وكانوا بيضربوا فى الغيط عندنا نار قبل كده ده غير لما ضربوه ساعة ما قتلوه ضربوه ببندقية آلى ولما وقع على الأرض ما سبهوش ومشيوا دول اتلموا عليه وضربوه بأسلحة بیضاء و مسابهوش غير لما مات.

س/ وهل قام أحد بتحريض سالفي الذكر بالتعدى على والدك المتوفى إلى رحمه مولاه؟

ج/ معرفش

س/ ومن كان اى من الاشخاص برفقة المتهمين أنذاك وقت ارتكاب الواقعه؟

ج/ كان فى ناس كتير بس أنا ما شفتهمش علشان الدنيا كانت ضلمه والمساحة كانت كبيرة جدا

س/ وهل كان والدك المتوفى الى رحمة مولاه حال توجهك له كان على قيد الحياه؟

ج/ لا أنا أول لما رحتله كان واقع على الأرض وميت وغرقان في دمه ومش بيتحرك

س/ هل من ثمة علاقة أو خلافات فيما بينك وبين والدك المتوفى إلى رحمة الله وبين المتهمين سالفي الذكر؟

ج/ هما معرفة من البلد وفي خلافات ما بينا

س/ وما طبيعة تلك الخلافات تحديدا؟

ج/ زى ما قولت قبل كده المشكلة بدأت من ساعة ما واحد صاحبي اسمه / محمد ابراهيم أحمد مصطفى شوارب وشهرته / محمد سماحه أتعرض لواقعه سرقة فى المحل بتاعه واضرب هو وواحد تاني واللى سرقوه عصام أحمد جلال عبد اللطيف جليل وأخوه سلامه واخوهم أحمد ومحمود واحمد ابن سلامه، ومحمد ابراهيم ده جاء قالي على اللى حصل وأقنعته أنه يروح يعمل فيهم محضر وفعلا راح عمل محضر وأتهمهم فيه بالسرقة وهما عرفوا بالكلام ده وأنا ماشى فى البلد عند الزراعات عادى مع محمود حميدة السيد مدين في يوم لقيتهم طلعوا عليا وخدونى أنا وهو في مزرعة في المناشي ولقيتهم حطلنا أسلحة نارية وبلغوا عننا الحكومة وفعلا الحكومة جاءت خدتنا أنا ومحمود وعملنا محضر وهناك أتهمنا أحمد جلال بالخطف وفى الاخر خدنا اخلاء سبيل والقضيه لسه شغاله ورقمها ۱۰۲٤٤ لسنه ۲۰۲۲ جنح منشاء القناطر وبعد كده لقيت أحمد جلال وأولاده ضربوا علينا نار في الارض رحت علشان اعمل محضر فيهم لقيت ان أحمد جلال عملى محضر وبيتهمنى أن أنا ضربته أنا ومحمود حميده السيد مدين وأحمد عصام مدين وأتمسكنا أنا وأحمد جلال وأتعرضنا على النيابه وأخدنا اخلاء سبيل وبعدها زى ما قولت هددوا ابويا بالقتل وعمل تلغراف للنائب العام وقال أقواله في الشكوى.

س/ وما هو رقم المحضر الذى تم تحريره فيما بينك وبين المتهم أحمد محمد جلال وتم عرضكم من خلاله على النيابة العامة؟

ج/ هو رقمه ١٣٠٦٨ لسنه ۲۰۲۲ جنح أوسيم

س/ هل شاهد أحد تلك الواقعة؟

ج/ أيوه فيه ناس كثير شافت وانا جايب معايا كلا من / أحمد رجب أبو النجا محمد، وفتحى سعد على محمد مدين، وعبد الرحمن سعد أحمد عطيه.

س/ ما قولك فيما هو ثابت بمعاينة النيابة بمحل الواقعة من أنه تم العثور على فوارغ الطلقات والتي تم عرضها عليك الآن ؟

ج/ أيوة هما المتهمين كان معاهم سلاح نارى وضربوا منه كثير .

س/ وما قولك فيما جاء بالمحضر المورخ ۲۰۲۲/۹/۱۹ الساعه ١١:٤٥م والمحرر بمعرفة الرائد / وليد على كمال معاون المباحث ) تلوناه عليه تفصيلا )؟

ج/ اللى حصل أنا قولت عليه

س/ وهل شاهدت واقعه تعدى المتهمين على المجنى عليه / ناصر على محمد على ؟

ج/ لا

س/ ما قولك فيما جاء بأقوال سالف الذكر استدلالا من قيام كلا من / سلامه وعصام أحمد جلال و جمال جلال عبد اللطيف وأحمد أحمد جلال ومصطفى جمال جلال من التعدى عليه بالضرب وأحداث أصابته مستخدمين فى ذلك اسلحة شوم ومطواه ودبشك سلاح نارى؟

ج/ هو قالي مين اللى ضربه وأنا كنت عارف كده بس ما شوفتش وهما بيضربوه

س/ ما طبيع علاقتك بكلا من جمال جلال عبد اللطيف وأحمد أحمد جلال ومصطفى جمال جلال تحديدا؟

ج/ هما من البلد عندنا :

س/ هل لديك أقوال أخرى ؟

ج/ لا تمت أقواله.

قرار المحكمة

قررت الدائرة 14 بمحكمة جنايات الجيزة المنعقدة بمجمع محاكم جنوب القاهرة بزينهم، برئاسة المستشار الدكتور عماد عطية محمد، وعضوية المستشارين أحمد محمد عبد السلام اللمعي، وعماد أبو الحسن عبداللاه، وامانة سر أيمن القاضي وماجد منير، تأجيل محاكمة أب ونجليه وشخص أخر، في اتهامهم بالتخلص من شخص بمنطقة أوسيم لخلافات بينهم إلى جلسة 2 ديسمبر لحضور الطبيب الشرعى لمناقشته.

وقررت المحكمة تغريم الطبيب الشرعي 5000 جنيه لعدم حضوره الجلسة .

وطالب محمود عبد المرضى دفاع المجني عليه بتوقيع أقصى عقوبة على المتهمين لثبوت ارتكابهم للجريمة والإدعاء بالحق المدني وتعويض مدني مؤقت بقيمة 10001 جنيه.

وكان المستشار ناصر صفي الدين المحامي العام لنيابة شمال الجيزة الكلية أحال القضية رقم 3615 لسنة 2023 جنح مركز أوسيم، والمقيدة برقم ٢٢٤ لسنة 2023 كلي شمال الجيزة إلى محكمة الجنايات، والمتهم فيها كل من سلامة.أ.ج.ع، محبوس 40 سنة، فلاح، وعصام.أ؛.ج.ع، محبوس، 39 سنة، ميكانيكي، ومصطفى.ج.م.ع، محبوس، 22 سنة، مبيض محارة، وأحمد.ج.ع.ج، محبوس، 58 سنة، خفير.

وأحالت النيابة المتهمين للمحاكمة لأنهم في يوم 17 سبتمبر 2022 بدائرة قسم شرطة أوسيم بمحافظة الجيزة قتلوا المجني عليه سيد.أ.م.س، عمدا مع سبق الإصرار إذ لم يرتضوا بحكم القضاء بشأن الدعاوى القائمة محل الخلافات بينهم وطرحوا بالأنظمة والقوانين عرض الحائط لإطفاء سخيمة قلبهم وبث الشيطان ريح خبثه وختم على قلوبهم وعقولهم ورضخوا له.فهيأ لهم جرمهم فبيتوا النية وتفكروا بروية وعقدوا العزم المُحقق على إزهاق روحه بدافع الانتقام وأعدوا مخططاً احكموا دقائقه درساً، بعدما قلبوا الأمور على وجهها مستجلبين أسلحة نارية ( بنادق آليه ) أسلحة بيضاء بلطة " وأدوات عصي شوم قاصدين من ذلك المجني علية أو من يؤازره فما أن لاح لهم المجني عليه حتى انتفضوا نحوه ركداً و تكالبوا عليه مستلين أسلحتهم وأدواتهم وتسابقوا في كيل الضربات بجسده ولم يستكينوا، إذ قام المتهم الأول بأطلاق صوبه عيارا ناريا استقر أعلى يمين الصدر وتركوه غارقا في دمائه وأحدثوا ما ألم به من إصابات ابانها التقرير الطبي وتقرير الصفة التشريحية للجثمان وفاضت روحه إلى بارئها على النحو المبين بالتحقيقات.

وحازوا وأحرزوا أسلحة نارية مششخنة بنادق آلية مما لا يجوز الترخيص لها بحيازتها، وحازوا و أحرزوا ذخائر بندقية آلية مما تستعمل على السلاح آنف مما لا يجوز الترخيص بحيازتها، واستعرضوا القوة ولوحوا بالعنف قبل المجني عليهم كل من علي سيد احمد محمود، احمد رجب ابو النجا محمد، فتحي سعد علي محمد عبد الرحمن أحمد قاصدين من ذلك ترويعهم وتخويفهم بإلحاق الأذى بهم وفرض السطوة عليهم وحملهم على الامتناع عن ضبطهم متلبسين بالجريمة محل الاتهام الأول واتحدت إرادتهم و نسجوا لذلك مخططاً انفذاه بإعداد تلك الأسلحة النارية أنفة البيان مطلقين وابلاً من الأعيرة النارية صوبهم فكان لذلك الفعل شأنه في إلقاء الرعب في نفوس المجني عليهم وتكدير أمنهم وسكينتهم وتعريض حياتهم للخطر وقد وقع بناء على ارتكاب تلك الجريمة الجنايات سابقة الوصف على النحو المبين بالتحقيقات.

وأحرزوا وحازوا أسلحة بيضاء بلطة وادوات عصى شوم بغير مسوغ قانوني وفي غير حالات الضرورة المهنية او الحرفية، واستخدموها في قتل المجني عليه موضوع الاتهام الأول على النحو المبين بالتحقيقات، وأطلقوا بقرية برطس دائرة مركز أوسيم أعيرة نارية باستخدام الأسلحة النارية المششخنة أنفة الوصف على النحو المبين بالتحقيقات، المتهم الأول أحرز سلاح ناري مشخن فرد روسي مما لا يجوز الترخيص له بحرازه، وأحرز ذخائر طلقات آلية مما تستعمل على السلاح الناري أنف البيان مما لا يجوز الترخيص بإحرازهها.