رد فعل غريب من مرتضى منصور على توجيه الشكر لـ سيد عبد الحفيظ

علق المستشار مرتضى منصور، على قرار النادي الأهلي بتوجيه الشكر لـ سيد عبد الحفيظ، مدير الكرة بالفريق الأول لكرة القدم بالقلعة الحمراء.

وأصدر النادي الأهلي قرارًا يوم الجمعة الماضي بتوجيه الشكر لـ سيد عبد الحفيظ، وتعيين خالد بيبو، مديرًا للكرة.

انتهى دور سيد عبد الحفيظ

وقال منصور، في فيديو نشره عبر قناته الشخصية على يوتيوب: سيد عبد الحفيظ، انتهى دوره في الأهلي، هو كان موجود عشان يستفزني، أقوم أنا أرد، خلاص أنا مش موجود، ووجوده في الملعب الرياضي ملوش لازمة. 

وأضاف: سيد عبد الحفيظ، كان موجود عشان يستفزني، دلوقتي هيستفز مين؟ أنا بره وهو كان متعين عشان كده.