محمد الشقنقيري: أقنعت أنغام تمثل ومحمد رمضان مظلوم إنتاجيا

كشف الفنان محمد الشقنقيري عن المطربات التي يتمنى تكرار تجربة الإنتاج معهم قائلا :'  لو هجربها هجربها لأنغام تاني طبعا ، وشيرين عبد الوهاب أنا عندي فيلم أنا اللي كاتبه وكان نفسي شيرين هي اللي تعمله بصراحة بس هي كبرت على الدور، لكن عندنا أنغام وعندنا أمال ماهر أنا شايف انها برضو لازم تمثل.

وتابع خلال حواره مع الإعلامية انجي هشام في برنامج المنسي عبر قناة هي:' خلي بالك انغام أنا اللي اقنعتها هي كانت رافضة تماما، وأمال أنا نفسي أنها تمثل وهقولك على روبي أنا اللي قولتلها لازم تمثلي.

وختم قائلا:' روبي قبل ما تمثل خالص سجن النسا كان عندها حاجة مع العدل جروب وانا اللي قولتلها لازم تمثلي امكانياتك كممثلة كويسة جدا، بس انا لو هكرر التجربة دلوقتي هكررها لأنغام.

اختار الفنان محمد الشقنقيري النجم محمد رمضان بين الفنان عمرو سعد وياسر جلال لأمكانيه المشاركة معه بدور صغير حال ترشيحه لعمل فني قائلا :' محمد رمضان ممكن اشارك معاه بدور صغير وانا بحب محمد رمضان محمد مظلوم هي منظومة الإنتاج حطاه في حته كده لكن ممثل كويس وعمرو سعد ممثل كويس جدا".

وأضاف خلال حواره مع الاعلامية انجي هشام في برنامج المنسي عبر قناة هي:'  محمد مهتم بكل حاجه فبالتالي لما هتعملي حاجه مش هتكون حاجه وتعدي وللاسف مشوفتش جعفر العمدة بسبب اني كنت مسافر لكن سمعت أنه نجح جدا".

وتحدث الفنان محمد الشقنقيري عن ذكرياته مع الفنان سعيد صالح وفاروق الفيشاوي والفنان محمود عبد العزيز:'التلاتة أستاذة استاذ فاروق خفه الدم ونكت ٢٤ ساعه الله يرحمه ، استاذ سعيد صالح الجدعنه ومش هزار لو قعده وحاسس انك محتاجه ١٠٠ جنية وهو مش معاه غير ال١٠٠ هيدهالك وهو رزقه على الله، استاذ محمود عبد العزيز مؤرخ.

وكشف الفنان محمد الشقنقيري عن رأيه في مسلسلات السير الذاتية لـ " العندليب " و" أم كلثوم" و" أسمهان" قائلا :" أنجح مسلسل سيرة ذاتية " أم كلثوم" مع اني أنا ضد الحاجات دي وشاركت على فكرة في مسلسل " العندليب " كنت طالع اخوه و المسلسل انتاجيا نجح بفكر الانتاج

وأضاف خلال حواره مع الإعلامية انجي هشام في برنامج المنسي عبر قناة هي:'  أنا ضد الافلام اللي تتعمل مسلسلات زي رد قلبي ، نحن لا نزرع الشوك يتعمل مسلسل الافلام دي علامات والسير الذاتية صعب نجاحها لان أولا عشان تنجح لازم تجيبي حد الناس مشافتهوش".
وتابع :' يكون واحد اتوفي من ٤٠٠ أو ٥٠٠ سنة مكنش حد شافه ومكنش في تليفزيون أو الصحافة يعرفوا يجيبولك صورته عشان الناس غصب عنها بتقارن الشكل دي نقطة تاني نقطة لازم يكون عندك ناس مؤرخين لان التاريخ دا مينفعش نزيف فيه.

وأضاف :' ممكن تجيبي احداث زي وليكن معركة اليرموك وتعمليه فيلم لكن سيرة ذاتية صعب وخصوصا الحاجات اللي هي العلامات دي، ام كلثوم دي علامة وأستاذ عبد الحليم حافظ دا علامة اسمهان دي علامة".