أوعوا تنسوا ماما.. مأساة ثلاثينية في القناطر: طردني وأخد عيالي| فيديو

مأساة سيدة ثلاثينية مع زوجها بمنطقة القناطر محافظة القليوبية، بدأت قبل 4 سنوات حين نشبت بينهما خلافات أسرية متعددة، وأنفصلا حينها ثم قام بتطليقها رسميا من عامين وحصلت على حكم تمكين بالشقة وحضانة أطفالها الثلاثة إلا أن زوجها في النهاية خطف أولادهم أثناء زيارة وأخفاهم عنها من عامين.

جبس مصر وأم سليم.. خيانة وهمية وقصة زواج بغرض التريند والأرباح

مفاجآت وتفاصيل جديدة.. ماذا قالت المحامية المتهمة بقضية طبيب الساحل؟

قصة زوجة مع زوجها في القناطر

وقالت الزوجة الثلاثينية لـ صدى البلد، أنا عندي 33 سنة ومتجوزة من 11 سنة، وعندي 3 أطفال ومن 4 سنوات أنفصلت عن طليقي بس مكنش رسمي وروحت قعدت في شقة وكان ساعتها بيصرف عليا وعلى الأولاد وبعدها بعامين طلقني رسمي، بعد ما قالي أنا عايز أرجعلك قولتله إرجعلي بس رجع الشقة قالي أخواتي مش موافقين وأنفصلنا، وبعدها رفعت قضية وأخدت تمكين بالشقة في بيت أسرته وروحت قعدت في الشقة في القناطر.

وتابعت سيدة القناطر «قولتله ده حق ولادي ومش هسيبه وفعلا أخدت قرار تمكين بالشقة، ومن يوم ما روحت وبقت أيام سوداء عليا وعلى أولادي، عم الأولاد كان بيقطع النور والمياه علينا في الشقة، وكانوا بيطلعوا كلام عليا عشان يسقطوا الحضانة، وشوف منهم الويل وفي الفترة دي كان هو راح أتجوز وأنا شايفة مرار أنا وأولاده».

زوجة في القناطر: حسبي الله ونعم الوكيل فى جوزي

وأضافت زوجة القناطر «وبعدها رفعت قضية نفقة وكسبتها، وهو أخد حكم زيارة والأولاد فعلا راحوا شافوه هو ومراته مرتين وفي المرة التالتة العيال مرجعتش تاني، أخدهم التلاتة من سنتين، كان مالك إبني الصغير عنده 5 سنين دلوقتي هو 7 سنين، ميعرفش شكلي ولا أنا أعرف شكله، وبعدها رفعت قضية ضم وأخدت حكم بضم الأولاد».

وأكملت الزوجة الثلاثينية مأساتها مع زوجها في القناطر «روحت أشوف الشقة لقيته أخد العفش ومعرفتش أخد الأولاد وعرفت أنه راح حدائق الأهرام في الجيزة وروحت وراه وبردو لقيته مشي ومبقتش عارف أنفذ الحكم، ولا أخد العيال، وكل ما أكلمه يقولي روحي أتجوزي، وشوية يقولي أنا قولتلهم أنك ميتة، وشوية يقولي لما يكبروا هيرجعوا، وأنا بقول له حسبي الله ونعم الوكيل، وبقول لأولادي متنسوش ماما».