EN
أثارت الفنانة جورى بكر الجدل خلال الساعات القليلة الماضية بعد شائعة انفصالها، حيث نفت انفصالها عن زوجها.
وكتبت جورى بكر، عبر خاصية ستورى بحسابها بتطبيق “إنستجرام”: “أنا مش قادرة أتكلم وأعصابي تعبانة، شكرا جدا لكل الناس اللي اتواصلت معايا، وحسبي الله ونعم الوكيل في كل واحد أو واحدة عايزين ينتقموا مني بالطريقة القذرة دي”.
وأضافت: "الأكونت اتهكر وفي ثانية حصل كل اللي حصل، الأستاذة بسمة وهـبـة وضحت لا يجوز طلاق للست الحامل، أشكركم وقدر الله وما شاء فعل، أنا جوزي راجل محترم ومعتقدش إنه يعمل معايا حاجة زي كده.. شكرا".
وكانت الفنانة جوري بكر، كشفت سبب إغلاقها التعليقات على منشوراتها عبر حساباتها على مواقع التواصل الاجتماعي.
وكتبت عبر "إنستجرام" من خلال خاصية القصص القصيرة: "عشان الأسئلة الكتيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف، مش كل الناس اللي حوالينا محترمين ومش كل الناس نضيفة وتعليقاتهم محترمة، في مجموعة كده حرفيا من قاع الأرض مريضة".
وتابعت: "تعليقاتهم أنا مقدرش أستحملها أو أشوفها، واحتراما لمن حولي بجد قفلتها على المقربين مني والناس المحترمة اللي متابعاني".
ووجهت جوري بكر رسالة إلى من يرسلوا لها على “إنستجرام” ويطلبوا منها أموالا أو شراء شيء لهم.
وقالت جوري بكر، وهي غاضبة عبر خاصية ستوري “إنستجرام”: “الشحاتة وصلت لإنستجرام، حد محتاج 3000 جنيه وهو شايل تليفون بـ 25 ألف، والتاني عايز تلاجة أنا مشتريتهاش، إيه الاستفزاز والجرأة اللي عندكم دي”.
