المرحلة الأولى من مشروع حياة كريمة تكلفت 350 مليار جنيه

السيسي : اتطمنوا احنا مسيطرين علي الأمور وحالنا هيبقي أحسن

السيسي: الدولار أثر علي الأسعار .. والناس الطيبة في مصر كتير

السيسي : شغالين على الصناعة الفترة دي عشان فرص العمل والناتج المحلي والتصدير

السيسي : مبقلقش من السوشيال ميديا.. وفي النهاية كل الناس بتشوف اللي بيتعمل على أرض الواقع

السيسي : الجامعات اللي اتعملت السنين اللي فاتت تكفي الطلب على التعليم لغاية ٢٠٥٠

السيسي: البحيرة أكبر محافظة زراعية في مصر ونستصلح 2 مليون فدان في وادي النطرون

السيسي : لدينا ٩ ملايين ضيف.. و٢٢٠ ألف سوداني منذ اندلاع الأزمة

السيسي: حرصنا علي وجود رصيد من السلع الاستراتيجية لمدة لا تقل عن ٦ أشهر

قال الرئيس عبدالفتاح السيسي، خلال زيارة لقرية الابعادية في البحيرة، صباح اليوم الاربعاء، إنّ المرحلة الأولى من مشروع حياة كريمة، كان مقررا أن تنتهي منذ عام، وكانت تكلفتها تتراوح بين 200 لـ250 مليار جنيه، متابعا أنّه بسبب الأحداث التي شهدها العالم، ارتفعت التكلفة إلى 350 مليار جنيه.

اطمئنوا مسيطرين وحالنا هيبقى أحسن| رسالة عاجلة من الرئيس السيسي للمواطنين

وأضاف الرئيس السيسي، قائلا: «يعني الـ3 مراحل هيعدوا 1000 مليار جنيه، دي مش فلوسي ولا فلوس الحكومة، دي فلوسكم».

وقالت إحدى المواطنات للرئيس: «نورتنا وشرفتنا ياريّس، وأنا دلوقتي بفتخر إنّي من قرية الأبعادية، لأن حضرتك عملتلنا حياة كريمة وحاجات جميلة جدا في القرية، وبقي عندنا طب أسرة، ودلوقتي بدل المريض في البيت محتارة أروح بيه فين ممكن يموت عندي بالليل، وبدل ما نجرى بيه على دمنهور دلوقتي بنروح بيه طب الأسرة جنبنا هنا».

وتابعت: «كتر خيرك عملتلنا مركز تكنولوجيا للستات الكبار بدل ما يروحوا لمشاوير طويلة، وبنشكر حياة كريمة لأنها وقفت جنبي لأن جوزي متوفي وأنا أرملة وعينت ابني عشان يصرف عليا، وبنشكر حضرتك يا ريّس وكل حاجة جميلة عملتها».

وقالت سيدة أخرى تدعي روحية خميس، أول سائقة في البحيرة، إنّه لولا توجيهات الرئيس السيسي كانت ستشرد هي وأبنائها، قائلة: «أنا مسكت في كلمة حضرتك قولتها من 5 سنين إن الست قوية وتقدر تشتغل كل حاجة، ومسكت فيها وعملتلها دراسة جدوى ليا، والكلمة دي بقت ضهري وسندي، واتعلمت السواقة وسوقت ومشيت بقلب جامد ولما بمشي بقول الرئيس قال كده وخلاص، وكمان اتكرمت كأم مثالية في البحيرة، حضرتك فخر لينا ونصرة للمرأة».

ما شاهدناه في قرية الأبعادية يزيدنا إصرارا على استكمال «حياة كريمة»

قال الرئيس عبدالفتاح السيسي، إنّ ما شاهده اليوم في قرية الأبعادية في البحيرة، يزيد الإصرار على الاستمرار في مبادرة حياة كريمة لتطوير الريف المصري بأكمله وتحسين جودة حياة السكان.

وأضاف الرئيس السيسي، : «لا أحد يستطيع فعل كل الأمور وحده، لا حكومة ولا رئيس ولا مؤسسات، لكن نقدر مع بعضنا البعض كدولة وشعب».

وأكمل الرئيس، أنّ مصر تواجه الكثير من التحديات، ومنها أنّ المرحلة الأولى لمبادرة حياة كريمة كان مخططا لها أن تتكلف 200 لـ250 مليار جنيه، ووصلت إلى 350 مليار جنيه، متابعا: «في المرحلتين التانية والتالتة التكلفة كلها هتوصل 1000 مليار جنيه، يعني تريليون جنيه، وده كله من بلدنا».

وأوضح الرئيس، أنّنا جميعا نستطيع العبور من كل التحديات: «لما حد بيكون داخل على موضوع مهم بنتكاتف مع بعضنا ونساعد بعض، زي مساعدة أسرة بسيطة أو بنت بتتجوز، ولو في أزمة بتتحل، لكن لو حصل العكس مفيش أزمة هتنتهي».

وأكد الرئيس السيسي، أنّ حجم العمل الذي يحدث في مصر على مدار السنوات الـ8 الماضية، سببه تكاتف الشعب بمختلف أطيافه من شباب وشابات وكبار سن وغيره مع الدولة، مشيرا إلى أنّ الله سبحانه وتعالى سهل أمورا كثيرة بفضل دعوات كبار السن.

قال الرئيس عبدالفتاح السيسي: «احنا في أزمة دلوقتي بقالنا 3 سنين، بدأت بفيروس كورونا، وده كان له تأثير كبير على العالم وعلينا، لكن المهم احنا في مصر موقفناش، وجت الأزمة الروسية الأوكرانية، وكان لها تأثير علينا وعلى الاقتصاد العالمي، يمكن تكون بطأتنا شوية، ويمكن تكون غلت الأسعار وغلتها كتير».

وأضاف الرئيس السيسي، «خلي بالكم بردو احنا في الـ3 سنين دول، زدنا 6 ملايين، مش بقصد بالكلمة دي أي حاجة، لكن بحط قدامكم الصورة جنب بعضها».