السيسي عن أزمة ارتفاع الأسعار: اليوم إحنا 105 ملايين وكل 15 ثانية فيه مولود

قال الرئيس عبد الفتاح السيسي، خلال لقائه بأهالي قرية الأبعادية، خلال زيارته للقرية لإفتتاح عددا من المشروعات ضمن مبادرة حياة كريمة: “موضوع الدولار له تأثير كبير جدا على الأسعار فى مصر.. كل ما تكون فاتورتي من الدولار تزيد لازم دا يبقى عبء على الاقتصاد.. لأننا عايزين نجيب حاجات أساسية”.

السيسي: الريف تغير

واضاف الرئيس السيسي: “كان زمان الريف كان يغطي حاجته حد كان بيجيب زيت فى البيت كان عيبة أوي أن حد يشتري الزيت أو يشتري بيضة أو فرخة.. كانت البيوت عبارة عن وحدات إنتاجية صغيرة.. والريف من 40 سنة كان يغطي نفسه وكمان كان بيخصص جزء من الحضر”.

السيسي: الدولة معنية بطلبات الجميع

وتابع الرئيس السيسي: “دا مبيحصلش دلوقتي بالمستوي اللي كان.. الدولة النهاردة بقت معنية أنها تغطي كل الطلبات والكلام دا يبقي متوفر.. أتحولنا من حالة اللي كانت قبل كدا لحالة تانية.. ليه الأسعار بقت كدا.. مانتوا بتتكلموا لغاية 52 كنا 19 أو 20 مليون كل مصر من الريف والحضر.. وثم فى عهد السادات وصلنا ل40 مليون.. ثم فى 2011 كنا تقريبا 80 مليون.. اليوم احنا 105 مليون وإحنا قاعدين بندردش فات كام دقيقة كل 15 ثانية فيه مولود”.