EN 
أكد الدكتور أحمد هارون استشاري الطب النفسي والصحة النفسية أن الحب فطرة لابد من الوقوع فيه، الا ان الاهم كيف نحب، قائلا: الحب ممكن يكون مفيد وممكن كتير جدا يكون مضر، ويحدث في حالة عدم تقدير حبك واستغلال مشاعرك، وتوقعاتك المبالغ فيها تجاه الطرف الاخر تساهم في أذاك.
وأضاف هارون، في لقاء مع الاعلامية انجي انور ببرنامج مصر جديدة المذاع على قناة etc لو عايز تختبر مشاعر شحص في حياتك وتتأكد من صحة اختيارك من عدمه جرب معادلة "غمر المشاعر على ضغط السلوك" الخطوة الاولي غمر للمشاعر حبه واهتم بيه واسمعه وسانده وآمن بيه حس بيه قدم كل ما يحتاج اليه بدون طلب وبدون مقابل، الخطوة الثانية ضغط السلوك في لحظة وقف، ازعل، اضايق، اتعصب، اسكت، اطلب حاجات مش بتطلبها، لو افتكر الحب والدعم والسند اللي قدمته، وقدر حيك واستحملك ووقف جنبك وساعدك يبقى اخترت صح، لو العكس يبقى خسارته افضل والخذلان منه متوقع.
