EN 
"مفيش علاج والحالة بتسوء على العلاج أصلا طب لما نقعد كام شهر من غيره هيحصل فينا إيه.. يقولك اشتريه من برا طب نجيبه من برا سعره يعدي 400 جنيه هو احنا لاقيين"، بهذه الكلمات بدأت السيدة الأربعينية فواكه محمد، ابنة مركز المراغة شمالي محافظة سوهاج، حديثها مع موقع صدى البلد.
وأوضحت عن عقار أريميديكس لمرضى سرطان الثدي، غير متوفر منذ أكثر من أسبوعين بمعهد أورام سوهاج، مُشيرة إلى أن سعره بالصيدليات الخارجية تتخطى 400 جنيهًا مصريًا، وأن الحالة المعيشية لها ولأكثرية المرضى المُترددين على معهد الأورام بمحافظة سوهاج، غير قادرين على شراء مثل هذه العقاقير الطبية باهظة الثمن.
واستكملت حديثها :" العلاج عاوز له غذاء وعاوز له راحه لا طبيخ ولا خبيز ولا اشيل تقيل ولا ارفع أيدي حتى عشان العملية طب بنتي الكبيرة الحمد لله شايلاني لكن جوزي يشيل مواصلات كل يوم والتاني ولا علاج سكر ولا علاج أورام تكلفته بالشكل ده ليه بيقبض كام هو".
علاج اريميديكس غير متوفر
وبصوت يقتله الحزن وعينان يذبلهما الدموع وبقلبًا تستمع اُذناك إلى صوت ضجيجه وقت انكساره، تحدثت "مريم. ح" إحدى طالبات كلية الحقوق بجامعة سوهاج، والتي أصابها سرطان الثدي منذ عامين، إلى "صدى البلد"، قائلة:" ماشيه على العلاج من بعد الكيماوي والاشعاعي والعملية ليا سنتين اهو والحمدلله على كل الحال ظهر فصين تاني ف نفس الثدي اللي تم استئصال الورم منه".
واستكملت مستطردة:" ورغم كده لم يتم تغيير نوع العقار الطبي اللي بيتصرف ليا حتى الآن واغلب الإشاعات بعملها برا على حسابي الخاص عشان الأشعة هنا مش بتكون دقيقة وبيعيدوها أكتر من مره وفي الأخر حتى الارميدكس مش لاقينه وعاوزينا نشتريه من برا طب نكفي إيه ولا إيه ونجيب منين".
وأكدت الطالبة بالفرقة الثالثة بكلية الحقوق جامعة سوهاج، أن عقار أريميديكس كان دائمًا يواجهها عائق في صرفه من معهد أورام سوهاج، لعدم توفيره بشكل مستمر، وبالرغم من تشديدات الأطباء على عدم الإبتعاد عن الجرعة المُقررة ولو ساعة واحدة إلا أن المعهد لم يوفره منذ اسبوعين مضيا، مُشيرة إلى أنها ومن يُماثلها في الظروف المادية لم يستطيعوا شراؤه من الصيدليات الخارجية.
وقال العم علي عرفان، نجل إحدى السيدات المترددات على معهد أورام سوهاج، إن والدته الستينية لم يُصرف لها عقار أريميديكس منذ أكثر من أسبوعين، وأن موظف المُعين على الصيدلية بمعهد الأورام كان غليظ القول معهم، حيث قال:" العلاج مش متوفر اللي مش عاجبه يشتريه وكتر كلام مش عاوز... كل اللي واقف عشان يصرف أريميديكس يمشي العلاج مش موجود... اعملكم إيه يعني اشتريهولكم من جيبي اللي معهوش يستنى لحد ما يتوفر".
