قبل مواجهة الرجاء.. مدرب منتخب مصر السابق يشيد بزحف جماهير الأهلي ستاد القاهرة

علق محمود فايز المدرب المساعد المنتخب الأول السابق علي صور جماهير الاهلي أمام استاد القاهرة في انتظار فتح البوابات لحضور مباراة الاهلي والرجاء المغربي في دوري أبطال أفريقيا 

ونشر محمود فايز عبر حسابه الرسمي بموقع التواصل الاجتماعي “ فيس بوك ” صورة لجماهير الأهلي أمام الاستاد وعلق :" طبعاً تحيه للرجالة اللي اتحركت من ١٠ الصبح علشان تكون قاعدة كده الساعه واحده الضهر قصاد الاستاد في الحر ده. مفيش أي نوع من المزايدة علي حبهم وتضحيتهم للنادي

وأضاف :" لكن الشكل صعب… والموقف متعب… ومش راضيها لهم… تخيل الساعه ٩ باليل وقت بداية المتش هيكونوا عاملين ازاي..!! طب طاقتهم..!! ليه الفكره ده متتغيرش..؟ ليه ميروحوش المتش قبلها بتلات ساعات..؟ ليه التجريه تكون صعبه كده ومرهقه في حاجه من المفترض تكون (ترفيهيه) وفي عيد وفرحه..!! ليه طاقة الشباب تروح هدر بالشكل المفزع ده..!!

وتابع :* اتمني الصوره دي توصل للاعيبه وتعرف الجمهور ده بيعمل ايه علشان ناديهم وتشجيعهم..!  وانهم لازم يقدموا ال١٠٠٪؜ وتبقي حاجه قليله قصاد مجهود ومعاناة الشباب دي والسلام عليكم ورحمة الله"