باكل كل حاجة وخسيت.. نورهان قنديل تكشف أسرار نظامها الغذائي في رمضان

حرصت البلوجر و الدكتورة نورهان قنديل، على مشاركة متابعيها عبر حسابها الرسمي على موقع تبادل الصور والفيديوهات الانستجرام، أسرار نظامها الغذائي خلال شهر رمضان. 

وقالت نورهان قنديل، بعض النصائح والخطوات التي اتبعتها خلال الأيام الماضية من شهر رمضان ، وساعدتها في فقدان ٢ كيلو جرام من وزنها على الرغم من أنها تأكل كل شئ.

غيبوبة سكر… تحذير عاجل من حلويات منتشرة خلال شهر رمضان

لمدمني الحلويات..5 طرق تساعد على التوقف عن تناول الشكولاتة

وكتبت نورهان قنديل ، في منشورها على موقع التواصل الأجتماعي الانستجرام: "أنا عن نفسي خسيت ٢ كيلو مع إني باكل كل حاجة…
عملت أيه؟ الآتي:

 ١- شرب ٢ كوب ماء بعد الأذان وواحدة تمر

٢- ببدأ بالسلطة ولازم اخلص طبقى الأول وبعدها شوربة

٣- بختار أكتر حاجة خفيفة فى الأكل واكل منها الأول علشان أشبع من حاجة مش هتسببلى زيادة وزن و تراكم دهون."

٤- بعد كدة ممكن أتناول حاجة بسيطة من اللى حاجات اللى نفسى فيها بس دسمة.

٥- بعد الأكل بكون مجهزة أعشاب هضم أو طاقة @drbaby و ممكن أى أعشاب عندكم فى البيت ( أنا بجهزها سخنة واسيبها تبرد وأنقلها فى ازازة نصف لتر وازود عليها مية علشان تبقى مشروب بارد ويساعدنى أشرب مية أكتر وممكن ازود ليمون او نعناع، قرفة و جنزبيل ).

٦- بحاول أمشى فى البيت كتير واتحرك كتير وممكن أطلع وانزل السلم المهم أعمل خطوات أكتر كل يوم مع شرب مية ونفس بشكل صحيح."

٧- وسط صلاة التراويح لازم يكون معاكوا ازازة مية تخلص خلال الصلاة..٨- بالنسبة للحلويات: طبعا الضغوطات بتكون رهيبة فى العزومات … بدوق حاجة بسيطة لو حاسة انى عايزة لو مش عايزة بسيبهم يتنمروا عليه عادى و مش باكل  مع انى نفسى أخليهم مبسوطين منى و اكل معاهم بس محدش هيحرقلى دهونى بعد كدة على فكرة.

٩- بالنسبة للسحور دايما بفضل واحدة زبادى وممكن عليها معلقة كبيرة جرانولا و رشة عسل نحل.

١٠- بشرب قبل ما أنام اعشاب للنوم علشان النوم العميق بيعلى الحرق جدا ده غير انه بيخلى عندى طاقة تانى يوم اتحرك فى الصيام و ده بيساعدنى احرق السعرات اللى اخدتها اليوم اللى قبله ."

https://www.instagram.com/reel/CqxSG7SsMD7/?igshid=Mzc1MmZhNjY=