EN
تفقد الرئيس عبد الفتاح السيسي مدينة الأسمرات، وتناول وجبة الإفطار مع مجموعة من أهالي الأسمرات وبعض القيادات الشعبية وأعضاء مجلس النواب.
مليون فرصة عمل
وقال الرئيس السيسي في كلمته خلال مأدبة إفطار الأسرة المصرية: "نعمل على توفير مليون فرصة عمل في السنة، و علينا ان نبقى يدا واحدة كي نتقدم ".
وأضاف السيسي: "المشروعات الجديدة تستهدف خلق فرص عمل للشباب، وسنعمل على تحسين المرافق والخدمات بشكل كبير، ويجب ان نثق في أنفسنا وفيما أنجزناه ".
واطمأن الرئيس السيسي على أحوال أهالي الأسمرات، وأجرى حوارا مع مجموعة من سيدات الأسر المنتجة في مدينة الأسمرات.
شرف لينا الناس تقعد في الأسمرات
واستمع الرئيس السيسي، خلال مشاركته في مأدبة إفطار الأسرة المصرية بحي الأسمرات، لحديث السيدة نعمة إمام والدة أحد المشاركين بمبادرة "جيل جديد"، قائلة: "أنا مقيمة يحي الأسمرات، وفخورة بوجودي في الحي وبتشرف بيه في أي مكان".
واسترسلت "السيدة نعمة": "حضرتك غيرت المكان وإحنا اتغيرنا، والمبادرة تعيد تربية أولادنا، ومفيش كلام يوفي اللي عملته معانا..ربنا ينصرك".
وعلق الرئيس السيسي قائلا: "دا شرف لينا إننا نجيب الناس تقعد في حي الأسمرات"، متابعا: "إحنا كنا بنحلم بحي الأسمرات، وربنا أراد تحقيق الحلم".
وأضاف: "بمساعدتكم والعمل هنخلي الحلم أكبر من كدا بكثير.. وكلنا ولاد مصر محدش مننا ليه فضل عليكوا ودي فلوس مصر".
رسالة لصناع الدراما
وأكد الرئيس عبد الفتاح السيسي، أن الكم الكبير من المشروعات التي يتم افتتاحها ترجع إلى جهد كبير من مؤسسات الدولة.
وأضاف السيسي خلال إفطاره مع عدد من سكان الأسمرات: “اللي بيتعمل مش لوحدي السبب فيه.. فيه مسؤولين معايا كتير”.
وتابع الرئيس السيسي: “أنا عايز أقول على حاجة.. المفروض ولادنا مايشوفوش حاجة وحشة فيها، حتى في الدراما المفروض نراقب نفسنا، الكلام اللي بيخرج مننا حسيب رقيب”.
رسالة غارمة للرئيس
وحضر الإفطار، إحدى السيدات الغارمات التي خرجت بتوجيهات الرئيس السيسي وقدمت له الشكر وطلبت من الله أن يكرمه ويزيده من فضله.
وقالت غارمة من الغارمات في إفطار الأسرة المصرية: "المبلغ اللي كان عليا 45 ألف جنيه وأنت ياريس فكيت الكرب بتاعي،وأنصح كل فرد عدم التوقيع على أي إيصال أمانة، وأكتر حاجة كسرتنا حرماننا من عيالنا".
وأكملت: "نشكرك يا ريس على مافعلته لنا والأمل الذي أعطيته لنا من جديد، وإحنا جايين نوعدك إننا مش هنمضي على إيصالات أمانة مرة أخرى ".
وعلق الرئيس عبد الفتاح السيسي، على حديث السيدة الغارمة: "ربنا يحفظكم وحمدلله على السلامة".
دي فلوس مصر
وقال الرئيس عبد الفتاح السيسي خلال حوار مفتوح أجراه مع المواطنين بالأسمرات وتحدث لسيدة من سكان حي الأسمرات، وقال: “إن مفيش حد مننا له الفضل عليكوا ده حقكوا والفلوس دي فلوس مصر والكلام ده بقوله لكل الموجودين وكل الموجودين في بيوتهم محدش فينا بيجيب حاجة من جيبه”.
وتابع الرئيس السيسي: “لازم كلكوا تحبوا بعض اكتر وتساعدوا بعض اكتر عشان ندفن كل اللي فات ونبص لقدام لأولادنا ولينا وانتوا مع بعض واحنا معاكوا ولما بتكلم مع المسئولين بقولهم عايزين نعمل برامج مخلصة يعني تكون من قلبنا نجري ونغير ونساعد بعض”.
وتابع الرئيس السيسي: "انتوا أهلنا واهلي وانا ليا الشرف إن انتوا أهلي وأنا راجل بسيط زيكوا كدة والبركة في ربنا والشكر دايما لله اللى يساعدنا ووفقنا إننا نعمل ده ونقوله متشكرين يارب والحمد مش مجرد كلام".
مشروعات حياة كريمة
وأكد الرئيس عبد الفتاح السيسي، أننا كمصريين لازم نعرف إن مشروعات حياة كريمة كانت ضرورية ومكانش فيه حل تاني أنه نسيب حالنا بعد 2011 بدون تغيير.
وقال الرئيس السيسي، خلال مشاركته في مأدبة إفطار الأسرة المصرية بحي الأسمرات، أنه زدنا بعد 2011 أكثر من 20 مليون مواطن وأكثر من 20 مليون سيارة، وكان لا بد من تدخل الدولة بقدر معدلات نموها.
وتابع الرئيس عبد الفتاح السيسي، أن حياة كريمة سيحسن من حياة 60 مليون مواطن،ـ من مشروعات صرف صحي ومياه، لأنه كان هناك الصرف الصحي غير أدمي بعدد من القرى.
وأشار الرئيس السيسي إلى أن تكلفة المشروعات التي تم إقامتها كان كبير واللي قبلينا معرفوش يعملوها عشان تكلفتها كبيرة .
واستكمل الرئيس السيسي تصريحاته، قائلا: "ربنا بيساعد اللي بيساعد ،لسة هنعمل أكتر وأكتر وهنحسن على قد ما نقدر.
الكل بيعاني بسبب الأزمة
وتحدث الرئيس السيسي، خلال مشاركته في مأدبة إفطار الأسرة المصرية بحي الأسمرات، عن الصرف الصحي وتطويره، قائلا: "نسبة تطوير الصرف الصحي 12%، إحنا عايزين نوصل لـ 100%".
وأضاف الرئيس السيسي: "أنا بعترف الكل بيعاني ويأسي بسبب الأزمة الاقتصادية العالمية.. ولكن لازم نتضافر ونوفر حياة كريمة لكل الأهالي".
وشدد على أهمية توفير حياة كريمة لكل الأهالي، موجها حديثه للمواطنين، قائلا: "ادعولنا ربنا يفيض علينا من بركاته خلال الأيام الكريمة عشان نعمل للمواطنين أكثر".
واسترسل: "إحنا ما بنعملش حاجة شر أبدا، والدولة تسعى إلى تطوير التعليم، من خلال تطوير وتدريب العديد من الكوادر البشرية التعليمية، متابعا: التعليم اللي إحنا بنحلم بيه أكثر بكثير من اللي إحنا فيه".
وأكمل: "إحنا ظروفنا صعبة ومش هنقدر نحقق اللي عايزينه لوحدنا، متابعا: "لدينا 30 مليون طالب في التعليم، ونسعى إلى توفير تعليم مناسب لهم".
وقال الرئيس عبد الفتاح السيسي، إن الدولة توفر ما يقرب من مليون فرصة عمل في السنة الواحدة، مشيراً إلي أن نسبة البطالة عندنا ٧.٤ وهي نسبة جيدة بالنسبة لعدد السكان.
أكد الرئيس السيسي، أنه في الفترة القادمة سوف يتم زيادة عدد الفرص وسوف تكلل تعب المصريين بالنجاح.
بنحبك ياريس
أكد يوسف عبدالله طالب من طلاب مبادرة جيل جديد، "إحنا بنحبك يا سيادة الرئيس وشوفنا الإنجازات اللي اتحققت في مصر، وفي المبادرة كلمونا عن الشهداء وفضلهم وتضحياتهم في سبيل الوطن عشان إحنا نعيش وقولت للضباط نفسي أبقى زيكم، أنت اللي خليتنا نحلم ونصدق حلمنا.
وقال الرئيس السيسي، خلال مشاركته في مأدبة إفطار الأسرة المصرية بحي الأسمرات، “لازم يا يوسف تصدق حلمك وأنا كنت بمشي وبشوف مناطق صعبة، وأنا إنسان عادي كنت بقول لو إيدي طالت هعمل وكان حلم النسبة لي وربنا أراد إنه يتحقق”.
تحية عسكرية
ووجه أحد المواطنين التحية العسكرية الرئيس السيسي منذ قليل خلال حواره مع المواطنين بالأسمرات وتحدث أحد المواطنين إلى الرئيس قائلا: "اليوم بفضل الله لو المدرسة بتعلم فقصور الثقافة أيضا بتعلم مراحل تعديل الثقافة للأطفال عشان يوصلوا إلى نتائج زي اللي حضرتك شوفتها مع أولادنا".
وتابع: “هما دول أولادنا اللي بيوصلوا الرسالة لحضرتك والطفل مبيعرفش يجمل في الكلام”، متابعا: “اسمح لي بالنيابة عنهم أحيي حضرتك لأني بشوف حضرتك النهاردة الإنسان البسيط، وقام بتوجه التحية العسكرية للرئيس السيسي”.
