أنا عايز أسماء.. اتغديت بيه قبل ما يتعشى بيا ومخلتوش يمارس معاها الحرام

أحال المحامي العام الأول لنيابات أكتوبر الكلية مقاول إلي محكمة الجنايات لاتهامه بقتل شخص يعمل في معرض سيارات بسبب رغبته في إقامة علاقة مع صاحبة صديقته واستمعت النيابة لأقوال المتهم.

نص اعترافات المتهم 

س/ ما هي علاقتك بالمجني عليه ؟

ج / هي علاقتي بيه اننا اتعرفت عليه أول مرة من سنتين وبعدها بقينا أصحاب وكنا على طول بنشرب مع بعض مخدر الايس ونحشش وهو كان بيبات معايا في البيت لما عمل مشاكل مع أهله وبدأت الخلافات بينا بسبب انه كان عايزني اجيبله واحدة اعرفها علشان يمارس معاها الحرام.

س/ منذ متي وأنت علي علاقة بالمجني عليه المار ذكره ؟

ج / من حوالي سنتين 

س/ وما هي طبيعة تلك العلاقة تحديداً؟

ج / احنا كنا بنشرب مع بعض مخدر الايس والحشيش والخمور علي طول

س/ وما تطورت علاقتكما تلك ؟

ج / الصداقة بينا أصبحت قوية لما هو ساب البيت كان بيبات معايا وكان بيجيبلي مخدر الايس 

س/ وما هي علاقتك تحديدا بهدى وأسماء؟ 

ج / هدي جارتي وكانت سايبة عفشها عندي في الجنينة وأنا أعرفها من حوالي سنة وشهرين تقريبا وهي كانت علاقة جيرة وصحوبية وأسماء كانت صاحبتها وكانت بتيجي معاها يقعدوا معايا.

س/ وما هي علاقة المجني عليه بسالفي الذكر تحديدا ؟

ج/  لما شافهم وهما جايين يأخدو العفش بتاع هدي من عندي ويقعدوا معايا قالي انا عايز أمارس الحرام مع أسماء

س/ وكم عدد المرات التي كنتما تتقابلا فيها سوياً ؟

ج / كثير من سنتين وبالذات في آخر شهرين لما كان بيبات معايا ومشفشي غير مرة واحدة هدي واسماء لما جم عندي الشقة يأخذوا العفش

س/ وهل قام المجني عليه بارتكاب ثمة علاقة آثمة مع سالفي الذكر  ؟

لا 

س/ وما هي طبيعة الحوارات التي كانت تدور فيما بينكما تحديدا ؟

ج / كل الكلام بينا كان علي حاله وحالي والمشاكل اللي قابلتنا ونشرب مع بعض وشويه نتكلم علي النسوان

س / وهل حدث فيما بينكما ثمة خلافات أثناء تواجدكم سويا؟

ج / كانت الخلافات بينا بسبب أنه كان كل شوية عايز أكلمله أسماء صاحبة هدى علشان يمارس معاها الحرام وأنا كنت برفض وكانت آخر مرة يوم الواقعة لما قالي واحنا بنشرب الايس  اكلمله هدي علشان تخليه يمارس الحرام مع أسماء. 

س/ وما هو مضمون الحوار الذي دار فيما بينكما قبل ارتكاب الواقعة ؟

ج/ اکلمه هدي علشان هو كان عايز يمارس الحرام مع أسماء وانا قولتله متتكلمش معايا في الموضوع وهو طلب مني تاني وده كان سبب نشوب المشكلة بينا يوم الحادثة.

س/ وما الذي حدث عقب تلك المشاجرة فيما بينكم ؟

ج/ لقيت محمود قام من علي الكنبه وضربني بالقلم 

س / وماهو اثر ذلك في نفسك ؟

ج/ انا اخدت السكينة من على الطرابيزة ورحت ضربته بيها وجت أول ضربه في صدره من الناحية اليمنى وبعدها لما شوفت الدم جالي هيستريا ونزلت طعن فيه بالسكينة لحد ما السكينة وقعت مني ولقيت محمود قام وجي عليه وانا جريت على المطبخ وجبت الساطور علشان اخلص عليه خالص وحدفت الساطور على محمود بس مجاش فيه جت في باب الحمام و محمود وقع على الأرض وكان ينزف دم.

س / وهل كان المجنى عليه على قيد الحياه آنذاك ؟

ج / لا كان مات 

س/من أين استجلبت أداة الجريمة تحديدا ؟

ج / انا جيبت السكينة من على الطرابيزة اللي كنا قاعدين عليها ولما وقعت منى جريت على المطبخ وجبت الساطور وحدفته عليه لما لقيته قام تاني ولسه ما متش علشان أخلص عليه.