EN
انتشرت خلال الساعات الماضية قصة تقشعر لها الأبدان، عن هجوم كلب تمتلكه إعلامية وشيف شهيرة على جار لها وافتراسه أمام ابنه.
تلك القصة المروعة التي دارت أحداثها في مصر وروتها صديقة مقربة من عائلة الجار المجني عليه تدعى "هند سعيد" فبدأت منشورها الذي لقى رواجا واسعا على السوشيال ميديا، قائلة:"محمد محب الماوى زوج صديقتى الغالية إيمان عبد المحسن و والد على و عاليا .. ولد و بنت زى القمر .. مدير ناجح في بنك عالمي".
ثم دخلت في صلب المشكلة التي كانت نهايتها الهجوم الشرس من قبل كلب بيتبول:"حظه انه ساكن تحته مذيعة شهيرة و اللى عندها كلب"بيتبول" ضخم العضلات اللى من المحظور استيرادهم دوليًا ".
وأكملت:"و بالرغم ان هو محب للحيوانات فعلا الا إن الكلب ده كان دايمًا يهاجمه فى الطالعة و النازلة و كان بيقول انه صعبان عليه جدا انهمش واخد عناية كافية فى تحسين السلوك و انه بيهاجم كل اللى بيشوفه".
شعر الجار بحاجة ملحة في تقديم النصح "يوم الاحد اللي فات قرر محب انه يخبط على باب مدام المذيعة الشهيرة عشان يطلب منهم يسيطروا شوية على كلبهم بدل ما هو عمال يهاجمهم كده من ورا السور القصير اللى عادى جدا انه ينط من فوقيه!!".
ولكن الكلب المفترس لم يمنح له الفرصة :"فتحت له الشغالة، و قبل ما يفتح بقه بكلمة واحدة خرج الكلب المفترس ده من وراها و هجم على محب في مدخل العمارة اللى كان واقف فيه ابنه على وحاول انه يفدى ابنه ".
نهش وافتراس:"الكلب حرفياً قام بإفتراسه بدون مبالغة ،عض في الذراع و الفخذ و أماكن متفرقه من الجسم نتج عنها قطع نافذ في الأوتارو الأعصاب !!! ،و فجأه المدخل كله بقى دم !!! طبعا ابنه واقف و شايف ده كله بيحصل لأبوه".
ثم أوضحت الطريقة التي خرج فيها محب من بين فكي الكلب بإعجوبة:"بالعناية الإلهية فقط استطاعوا أن يفلتوه من بين أسنانه و توجهوا به لأقرب مستشفي كبير لهم، وبعد الفحوصات أكدوا انه هيحتاج لعملية نقل أعصاب من القدم إلى هذا الذراع الذي تم تمزيقه".
ولكن حالته من سيء لأسوء:"بعد إجراء الفحص الطبى المطلوب دخل محمد غرفة العمليات و فور اعطاؤه حقنة التخدير توقف القلب لمدة ٣٠ دقيقة تقريباً، دخل فى غيبوبة و تم اعطاؤه صدمات للقلب و نقله للرعاية المركزة و تم تأجيل العملية لأجل غير مسمى حتي يعود مرة اخري للحياة.. المحزن انه لم يعد للوعى حتي الآن !".
