وجه معلم مصري يدعى حسن ممدوح رسالة مصورة لطلاب الثانوية العامة ، بعد حالة التوتر التي اصابتهم بسبب جدول امتحانات الثانوية العامة 2023 .

وعند نشر رسالته المصورة على صفحته على فيس بوك ، كتب المعلم بجوار الفيديو : أنت قدها وحلمك يستاهل أنك تتعب وتشقى عليه يا بشمهندس

حيث قال المعلم حسن ممدوح : انت مخضوض ليه من جدول امتحانات الثانوية العامة 2023 ؟ ما كان كدة كدة هاينزل .. ولما شوفت الجدول اتخضيت ليه من ترتيب المواد مع انه نفس الترتيب اللي بينزل في جدول امتحانات الثانوية العامة كل سنة

وأضاف : اللي المفروض نفكر فيه دلوقتي بس هو هانعمل ايه في ال 100 يوم اللي باقيين على امتحانات الثانوية العامة ، ده التفكير الايجابي اللي هايطلعكم اوائل

وقال : لو بأقل تقدير كل يوم ذاكرت من 5 لـ 6 ساعات ستصبح حصيلة مذاكرتك في ال 100 يوم 600 ساعة هايفرقوا معاك جدا ، ومنهج المادة الواحدة اصلا يمكن انهاءه في 21 ساعة فقط يعني الوقت المتاح اكبر

واستكمل قائلا : عايز كل يوم يعدي تبقى راضي باللي انت عملته ، ربنا مش هايساوي باللي بيذاكر باللي مكبر دماغه ، ومن خبراتي السنين اللي فاتت الناس اللي موتوا نفسهم في المذاكرة دلوقتي متفوقين في هندسة وفي حاسبات ومعلومات

وقال : الفترة دي فترة مهمة لان الجدول نزل ، لازم الاهالي يشجعوا ولادهم في البيت ويساعدوهم على تنظيم الوقت لتحقيق الحلم

واضاف : ظروفنا الاقتصادية حاليا صعبة جدا وكلنا محتاجين الشهادة اللي هانشتغل بيها

وقال : لازم كل طالب يحدد حلمه عايز يبقى ايه بعد ال 100 يوم الباقيين .. يا تبقى بطل وتدخل الكلية اللي بتحلم بيها ، يا ال 100 يوم يعدوا على الفاضي وتبقى بني ادم عادي زي اي حد .. ربنا بيشوف اللي بيجتهدوا ويجازيهم خير

واضاف : اعملوا خريطة تعملوا بيها في شهر مارس ، اوعوا في رمضان تكسلوا في المذاكرة لا اتعب وادعي عشان ربنا يكرمك ، لان بعد رمضان هايبقى فاضل شهر واحد على الامتحانات