EN
روت فتاة أجنبية تعمل وتعيش في مصر، قصة تصف مدى امتنانها وحبها للمصريين، حيث استعادت محفظة نقودها بعد أن سقطت منها سهوا في شوارع القاهرة ليردها إليها شاب يقود دراجة نارية، في واقعة نالت إعجاب الكثيرين حول العالم على صفحتها الخاصة على موقع تيك توك.
وقالت الفتاة لينزي، التي يتابعها أكثر من مليون ونصف المليون شخص حول العالم على السوشيال ميديا، خلال مقطع فيديو قصير، بلغة عربية ضعيفة تداخلت فيها كلماتها الإنجليزية “ناس كتير بتسألني ليه بحب مصر، وليه برجعلها كل سنة".
وتابعت "أنا هاقولكوا أنا ليه بحب مصر، وليه مقيمة فيها بقالي 6 سنين، وبرجعلها دايما،
أهم حاجة بحبها هم المصريين، المصريين دول ناس جمال اوي اوي، وهاحكيلكوا قصة حصلت معايا، امبارح أنا كنت رايحة للجيم مشي، وكان فيه شاب ماشي ورايا وسايق دراجة نارية وعمال يزمر بصوت عالي ورايا،وأنا كنت مستعدة ألف وأقوله “في ايه؟ ” إيه المشكلة؟"
واستكملت قصتها في اندهاش لتقول مبتسمة "تفاجأت أنه شاب يعمل لشركة توصيل، وكان ينبهني ويشير لي على شيء ملقى على الأرض، لأتفاجأ أنها محفظة نقودي، الشاب شاف محفظتي واقعة على الأرض وكان بينبهني عشان ألف ويديهالي".
وأضافت الفتاة التي تعمل مدرسة لغة انجليزية “كنت مبسوطة أوي باللي حصل، ومصدومة في نفس الوقت، وعشان كدا بحب مصر وناس مصر”.
وحصد الفيديو ما يزيد عن 15 ألف إعجاب في ساعات قليلة، بينما انتشر بين رواد المواقع مستشهدين به على محبة المصريين.
