‏ كشفت الإعلامية ياسمين عز عن معاناة شاب مصري مغترب في إحدى الدول العربية وخاطب، كان يتحدث مع خطيبته، وقالت ياسمين لو أي حد استمع للمكالمة كان هيصعب عليه، وكلامه فعلا كان يصعب على الحجر، ولم يكن يمثل ولا يعلم إن أحد يستمع إليه لكن هذا ما حدث بالفعل.

وتابعت ياسمين عز خلال برنامجها "كلام الناس" المذاع عبر فضائية "mbc masr"، أن الشاب يعمل بمهنة شريفة غالبا النجارة وكلم خطيبته في التليفون وكان بيقولها: “حرام عليكي أنت بهدلتيني معاكي"، وكانت خطيبته مبتسمعهوش وصوتها خارج من التليفون "رشاش مبيفضاش"، وأكمل: "هو انتي لما اتخطبتي مرتين قبل كده كانوا زيي، ده انا شقيان وتعبان قدريني واعمليلي كرامة، والـ كنتي مخطوبة لهم قبلي معملوش ‫ربع الـ انا عملته معاكي".

احمدي ربنا وهذا ثالث خطيب ليكي

وأكمل حديثه: “مش انا قولتلك اقعدي في البيت وانا هديكي 2000 جنيه واحفظلك كرامتك، ليه بتشتغلي وتيجي تشتكيلي من الشغل"، متابعا: "أعملكوا ايه انتي واهلك سخان المياه معجبكيش، و"بيت النور" معجبكيش، و أوضة النوم معجبتيش، قوليلي ايه يرضيكي وانا اعمله".

وقالت ياسمين عز يا فلانة احمدي ربنا زعلانه عشان بيت النور، ومحدش عارف يركب نور في بيته دلوقتي احمدي ربنا ولا تتبطري على النعمة وهذا ثالت خطيب ليكي، معلقة: “التالتة تابتة"، ولو سابك هيكون عندنا مشكلة في المجتمعات الشرقية عشان هتكوني اتخطبتي 3 مرات.