أكدت الإعلامية ياسمين عز أن أطباء الاستشارات الزوجية في معاناة قائلة: "الله يعينكم على ما بلاكم"، المدام بـ تروح للعيادة بعد الزواج وتقول انا زوجي طلع شخص نرجسي بدون أي مقدمات، طب قدرتي تحددي ازاي انه شخص نرجسي، بترد وتقول "أصله طالع لـ امه نرجسي شبهها"، وأن مشيته مش عجباها وبـ يمشي مثل "الطاووس"، معتز بنفس، ونفس طريقه أمه في مشيها.

وتابعت ياسمين عز خلال برنامجها "كلام الناس" المذاع عبر فضائية "mbc masr"، أن الستات لازم تهدى شوية معلقة: "اهدي يا مدام شوية أنت أول امبارح كنتي فاكره النرجسية دي طبق حلويات وخلينا ساكتين"، متابعة أن الستات جننوا أطباء الاستشارات الزوجية للأسف.

هل الستات درست علم نفس

وأشارت ياسمين عز الى ان ازاي قدرتي تعرفتي ان زوجك طلع نرجسي هل انت درستي علم نفس أم هذه مجرد تكهنات واجتهادات، ام حلمتي قبل الفجر أن زوجك نرجسي، متابعة "هترد تقولك أن النت مليان وانها عارفة كل حاجة من على النت وان الكل بيقول لو جوزك زعلك وهو الـ أتضايق يبقى نرجسي".