عزيز الشافعى: عمرو دياب من رموز الموسيقى ومشواري معاه تأخر

كشف الشاعر والملحن عزيز الشافعى عن تعاونه مع الهضبة عمرو دياب من خلال أغنية “بطمن عليك".

وكتب عزيز الشافعى عبر حسابه بفيسبوك :" بمناسبة أن غنوتنا الجديده بطمن عليك الأعلى إستماعا في الوطن العربي الحمد لله حابب اقول كلمتين  الشغل مع #عمرو_دياب إضافه فنيا و معنويا قبل اي حاجه و تاريخ كبير بيتكتب مع عملاق و رمز من رموز الموسيقى العربيه على مدار تاريخها كمطرب و ملحن و صاحب رؤيه متطوره".

وأضاف عزيز الشافعى :"طول مسيرته بنفخر بيها كلنا ف كل بلد بنروحها و دي حقيقه مفيهاش كلمة مجامله لأننا كلنا شايفينها و عارفينها ".

وتابع :" مشواري معاه إتأخر كتير و محصلش الا من حوالي ٣ سنين بس لكن الحمد لله قدرنا فيهم نقدم حاجه جديده و متنوعه و حافظنا مع زمايلنا طبعا على موسيقى البوب و على الموروث الي بيميز أغانينا المصريه من زمان ، بشكل متطور على قد ماقدرنا ".

واختتم :" و لسه ان شاء الله نقدر نعمل و نكمل الصوره الحلوه اللي عملوها اللي قبلنا".

تصدرت أغنية بطمن عليك للنجم عمرو دياب قائمة الاغنيات الأعلى استماعا عبر تطبيق أنغامي.

وتصدرت الأغنية قوائم الاعلى استماعا في مصر، الامارات، السعودية، قطر، البحرين، ليبيا، اليمن، فلسطين، الجزائر، المغرب، سوريا، الاردن، الكويت، سلطنة عمان، العراق.

أغنية بطمن عليك كلمات وألحان عزيز الشافعي ، توزيع أحمد ابراهيم، ميكساج وديجيتال ماستر أمير محروس.

وكان عمرو دياب قد طرح أحدث أغنياته "بطمن عليك" بالتزامن مع عيد الحب، وذلك عبر خدمة فودافون .

ويقول مطلع الأغنية :
أنا بطمن عليك مش عايز حاجة منك
غير بس إنك ترد
إنت كويس بجد؟
مش ناقصك أي حاجة؟
مش ناقصك أي حد؟
يابعيد عن عيني 
ياعيني بعيد
م القلب أنا بسلم 
منا معزز سلام الإيد