أنا لسه آنسة بعد سنة بحالها| زوجة للقاضي: عرفت حقيقة مرضه الوراثي

داخل محكمة الأسرة ببورسعيد، وقفت الزوجة شيماء ع.، أمام القاضي تحكي مأساتها من  زوجها مراد. م، والتي  دفعتها لإقامة دعوى طلاق للضرر منه.

نعم مازلت آنسة 

قالت الزوجة " لم أحظ بلقب مدام حتي الآن، رغم مرور عام على زواجنا، مازلت آنسة سيادة القاضي، وبكر، ولم يدخل بي زوجي حتى الآن". 

وتابعت "اتجوزت وبعد أيام، وجدت زوجي بيتهرب من الاقتراب مني، قلت إن ده شيء عادي، وممكن وقت وينتهي، لكن اكتشفت حاجات غريبة في شخصيته، مرة يكلمني، ومرة تانية بيكلم نفسه. طول الوقت في البيت". 

وتابعت "مش بس كده، حسيت إنه شخص مش طبيعي، لحد ما أخدت ورق العلاج بتاعه.. وعرضته على دكتور قريبي، واكتشفت إن زوجي مريض نفسي وعنده انفصام في الشخصية ومش بس كدة، ده كمان مريض سكر وكان مخبي عليا". 

لبخله الشديد والإهانة.. محكمة الأسرة بأسوان تنصف سيدة وتمكنها من منزل الزوجية

جريت على تليفونه لاقيت صور بنتي عريانه | زوجة مصدومة في محكمة الأسرة

مرض نفسي وراثي 

وأضافت " رحت لطبيب نفسي، عشان أعرف العلاج،  لأني مكنتش فاهمة حالته ولا طبيعة المرض ايه وهو كان بيكدب ويقولي ده مرض بسيط اكتشفت أنه وراثي ومزمن".

وأكملت الزوجة "أقسم بالله كل اللي ذكرته حقيقي .. والتقارير الطبية بتاعاته معايا، وأنا مستعدة للعرض على الطب الشرعي للتأكد إني مازلت آنسة". 

وأضافت الزوجة " استحملت عام معاه، عشان كان عندي أمل إن حالته تتحسن، لكن بعد ماعرفت إنه وراثي ومزمن، حضرت للمحكمة عشان الطلاق للضرر منه". 

قررت المحكمة إحالة الزوج والزوجة  للطب الشرعي.