EN
انتشرت واقعة صادمة على مواقع التواصل الاجتماعي، حيث نشر الدكتور شهاب لبن، على صفحته الخاصة على موقع فيسبوك، تفاصيل حادث ابتلاع شاب لفلاشة وأحجار تشغيل “ريموت” تلفزيون لأسباب غريبة.
وفي منشوره الذي تداوله بعض المتابعين بسخرية واستغراب، قال الطبيب شهاب لبن إخصائي الأمراض الباطنة في الشرقية: “شاب في سن المراهقة بلع (فلاشة) غصب عنه وهو بيلعب بيها ناحية بوقه معرفش إزاي !!”
وأضاف لبن: "لكن مش دي المشكلة.. المشكلة إنه لما لقاها طولت ومانزلتش واحد صاحبه هبيد قاله الفلاشة بلاستيك خفيفة زمانها عامت في عصارة المعدة ومش هتنزل فلازم قوة دفع عشان تطردها لتحت فقاله ابلع حجر قلم عشان يزقها والحجر تقيل وناعم هيتزفلط وينزل بيها!!".
واستطرد: "والواد مكدبش خبر وبلع حجرين عشان كان مستعجل على الفلاشة."
وفي جزء من الفكاهة اختتم الطبيب منشوره، قائلا: "المضحك بقى انه مش جاي عشان كل اللي ف بطنه دا ولا بطنه وجعاه ولا خايف يجيله تسمم من البطاريات.. جايب صاحبه وكل اللي هاممهم ان الفلاشة تخرج عشان عليها حاجات مهمة".
وانهالت التعليقات على الطبيب متهكمة على ما فعله الشاب، وداعين له بتمام الشفاء.
