بقيت مش بروح الجامعة.. فتاة تتعرض للتنمر بسبب تجاعيد في وجهها

تداول رواد مواقع التواصل الاجتماعي منشور لفتاه جامعية تعرضت للتنمر من أختها بسبب تجاعيد ومسامات موجودة في وجهها.

وجاء نص منشور الفتاة الجامعية: 

“أنا بشرتي فيها تجاعيد ومسامات وشكلها وحش جدا أنا كنت بشوف كدا بس بفتكر ان محدش ملاحظ اختي راحت قالتلي في مرة كدا وشك في تجاعيد رغم انا ١٩ سنة لسة والمشكلة كمان ماما بردو قالتلي كدة قبل كدة هما مش قصدهم تنمر  بس   حقيقي انا اتضايقت جدا وخصوصا اختي قبل كدة بصيغة هزار قالتلي كنت بغسل وشي عادي راحت قالتلي هو حد هيبصلك في الجامعة ده انتي شكلك وحش ووشك في تجاعيد أنا ساعتها بجد اتضايقت اووي ومبقتش احب اخرج من البيت خالص ولا حتي اروح الجامعة وبحس فعلا شكلي وحش وبشرتي مبهدلة والناس حتبصلي بقرف او اوردي بتبصلي بقرف أنا معييش فلوس علشان اجيب المرطبات والحاجات الغالية اللي الناس بتجيبها لوشها أنا مش عارفة أعمل ايه بجد أنا بفضل قاعدة في اوضتي مش بخرج خالص من البيت”
 

وقام عدد كبير من الطلاب بكتابة التعليقات على المنشور عبر مواقع التواصل الاجتماعي فيس بوك .

وجاءت نص تعليقات التي انتشرت على مواقع التواصل الاجتماعي السوشيال ميديا كالتالي:

انقعى لبان دكر فى ربع كوب ماء مغلى يومين ثم صفيه جيدا وضعى عليه ملعقة عسل ونصف ملعقة نشا وقلبيهم كويس وضعى منه ماسك على وجهك يوميا وهتلاحظى الفرق وربنا يحفظك ويسعد ايامك الجايه إن شاء الله
 

دليل انك مبتسمه دائما وروحك حلوة كلنا عندنا علامات وخطوط بشكل مختلف عن التاني انقعي معلقة لبان دكر و شاي اخضر ورز بنسب متسوية لمدة ٢٤ ساعة و صفيهم احفظيهم في الثلاجة وكل يوم رشي علي بشرتك واشربي منقوع لبان الدكر بالقرنفل كل دي مكونات رخيصة وطبيعية ... عرض المزيد
 

سيبك من أختك وأمك ده كله كلام حريم
مع احترامي طبعًا بس أسلوبهم غشيم
زماااان وأنا صغير كنت بحلم أبقى وسيم
وكنت واثق في نفسي لا شد ولا حتى كريم
وآدي النتيجة بذمتك مش شبه عبد الحليم
أيوة كدة اضحكي وظقططي وانسي الكلام العقيم
وطالما -على خلق- تبقي ملكة جمال العالم حديث وقديم
أنا دلوقتي بدور عروسة مش مهم الجمال ولا التعليم
الأهم الأهم: تكون ماشية على الصراط المستقيم
مرحلة عمرية وهتعدي وهتبقي أجمل من رفيف وسديم