EN
"بيعمل حاجات وحشة مع العيانين".. داخل محكمة الأسرة ، سيدة تتحدث عن زوجها الخائن.. المتعدد العلاقات مع النساء التي تعاني من أمراض واضطرابات نفسية ، تقول: جوزي دكتور نفسي بيستغل عمله ويقوم بمعاشرتهم في عيادته بحجة العلاج.
زواج منذ 4 سنوات
واصلت الزوجة حديثها: متجوزين منذ 4 سنوات، في البداية اتقدملي، وقتها كنت خايفة أوافق عليه عشان وسامته كانت بتحسسني أن الستات مش هتسيبه في حاله، خصوصا أن طبيعة شغله بتخليه يتعرف على ستات أشكال وألوان، لكن في الآخر وافقت بسبب أهلي.
تكمل الزوجة بحديث يملؤه خيبة الأمل، وتقول: في السنة الأولى من الجواز، بدأت أدرك أنه شيطان بيستغل الستات اللي بتروحله العيادة ويطلبهم للعلاقة الجنسية معاه عرفت كل ده من جيراني والستات والرجالة اللي في المنطقة قالولي سمعته بقيت مش كويسة بسبب كم الستات اللي ضحك عليهم وخد فلوسهم وبدل ما يعالجهم كان بيستغلهم جنسيا.
مفيش دا مجرد اهتمام
تتابع الزوجة حديثها، الغريب، قررت أواجهه بكل اللي سمعته رد وقتها وقالي مفيش الكلام دا محصلش "ده مجرد اهتمام علشان حالتهم تتحسن "، معرفتش أرد عليه غير بإني أسيبله البيت وأخد بنتي وأروح علي بيت أهلي.
واختتمت حديثها، في الآخر قررت أخلعه في لما حسيت أن الخيانة في دمه ومش هيتغير وخصوصا أنها مش ست واحدة، و كمان مبقاش يصرف علي بنته ولا حتي بيشوفها بعد كل اللي عمله، لحد ما وصل بي الأمر أني جيت للمحكمة.
