EN
أثار منشور لواحد من أشهر حلواني بيع البسبوسة عبر السوشيال ميديا حالة من الإعجاب بردة فعله غير المتوقعة بعدما اكتشف خطأ في وزن منتجات يوم لزبائنه مستشهدا في بداية كلامه بقوله -تعالى-: {وَيْلٌ لِلْمُطَفِّفِينَ الَّذِينَ إِذَا اكْتَالُوا عَلَى النَّاسِ يَسْتَوْفُونَ وَإِذَا كَالُوهُمْ أَوْ وَزَنُوهُمْ يُخْسِرُونَ}.
بسبوسة
وقال محل البسبوسة الشهير عبر صفحته على موقع "فيسبوك": "حصل امبارح استلام علب غير مطابقة لمواصفة وزن النصف كيلو بسبوسة" موضحا: "ده معناه إن أي حد اشتري بسبوسة في اليوم ده له في ذمتنا قدام ربنا ١٥٠ جرام".
وأضاف حلواني البسبوسة: "طبعا الوصول للناس اللي اشترت في اليوم ده وتحدديهم مستحيل، عشان كده النهاردة نصف كيلو البسبوسة ب ٢٥ جنيه، والبسبوسة اللوتس ب ٣٥ جنيه وده ربنا عالم بتكلفتها تقريباً او أقل كمان بس ده الحل الوحيد اللي قدرنا نفكر فيه عشان نعوض الغلطة دي قدام ربنا".
وأشار حلواني البسبوسة: "طبعاً تم ارجاع العلب غير المطابقة ومحاسبة المسئول عن استلامهم ونتمني اي حد اشتري في اليوم ده يجي تاني، واللي مش هيقدر يجي نتمني يسامحنا، آسفين".
تعليقات داعمة
وكانت من أبرز التعليقات على بوست حلواني البسبوسة الشهير: "محترمين"، "ايه الجمال دا"، "اشتريت بالفعل منكم امبارح وأشهد الله إني مسامحه"، "احسب كام علبه طلعت في اليوم ده .. واحسب فرق الحساب واخرجه لهم لوجه الله في اطعام فقراء او كساءهم ويبقي وفيت بإذن الله وهيكون في ميزانهم خير عظيم يوم الدين".
