EN
كشف النجم محمد حماقي، عن بداياته في مجال الغناء، قائلاً “لما دخلت كلية التربية الموسيقية اكتشفت أني هتخرج مدرس موسيقى، فقلت أنا مش عايز ده، فانطلقت داخل الوسط لغاية ما قابلت طارق مدكور عام 1995 واقتنع بي لما استمع لي، وقال لي خليك معانا عشان ندربك”.
وأضاف“حماقي”، خلال الجزء الثاني من لقائه ببرنامج "صاحبة السعادة”، مع الفنانة إسعاد يونس علي قناة “dmc”،"كنت عملت باند مع أصدقائي في الكلية وبنغني في جميع المناسبات، وكنا بنغني ببلاش بس عايزين الناس تسمعنا و تعرفنا، ودي مرحلة الغناء اللايف، الغناء الاستديو كان طريقة ثانية تختلف عن الغناء اللايف ومحتاج تمرين وتجهيز".
وأكد محمد حماقي "كنت مع طارق في الاستديو ، لتسجيل أغنية لمصطفى قمر، عمرو دياب، هشام عباس، وكنت أدخل أسجل في كل الأغاني، وطارق قال لي عايزك تفضل تغني على المايك لحد لما تغني وأنت حاطط إيدك في جيبك، لأني أول مرة غنيت في الاستديو كنت متوتر جدًا لأن المايك داخل الاستيديو حساس جدا".
محمد حماقي في الأردن
وأوضح محمد حماقي "أنا ومصطفى قمر كنا أصحاب، وكان عنده حفلة خارج مصر في مهرجان جرش في الأردن، فقال لي تحب تطلع معايا الحفلة دي، فوافقت وأصدرت باسبور وطلعت معاه وكنت مبهور إني سافرت بره مصر في مهرجان كبير وخارج مصر، وفي البروفة كنت علي المسرح واتجهت علي اخر المسرح، فجاء واحد من الفرقة صديقي جدا قالي: مالك ، قلت له: الأجواء رهيبة قال لي: هتيجي في يوم كمطرب هنا ".
