عرض برنامج "صباحك مصري" المذاع على فضائية "mbc masr" تقريراً عن عريس "الشبكة الفضة" وكيف أقنع أهل العروسة بها.

وأوضح كريم عريس "الشبكة الفضة"، أنه شاهد الشبكة الفضة في عرض في إحدى محال لبع الفضة في مدينة طنطا، وأعجب بشكلها، معقباً: "حبيت أني أقدمها حاجة لحد ما ربنا يكرم، وأشتري لها ذهب".

وتابع: "أنا من طنطا نفسها، مش من قرية، وفي الأول كنت حاسس إن الناس وخداها تريقة، وأنا وأنا وهي كنا فرحانين والأسرة كذلك، وإمبارح لقيت الناس كلها بتباركلي، وفرحانين لي"

واستكمل :"أنا كنت متردد إني أتكلم مع أهلها، لحد ما صاحب المكان اللي أنا شغال معاه، قالي خلي قلبك جامد، وأنت نيتك خير، وهو اللي أعطاني ثمن الحاجة اللي اشترتها، واتكلم مع أهلها، وربنا أراد إنها تكون معايا وخطيبتي أمام الناس كلها".