انتشر مقطع فيديو على مواقع التواصل الاجتماعي للفنانة والبلوجر رولين القاسم تتحدث فيه للسيدات عن السعادة في البيوت بمناسبة انتهاء عام واستقبال عام جديد، وحصد المقطع عشرات الآلاف من الاعجابات.

تقول رولين القاسم في الفيديو الذي لم تتجاوز مدته الدقيقة والنصف: "يلا نرجع الدفا للبيوت، احنا مش سعداء لاننا مش عارفين نعيش زي ماحنا عايزين، عايشين بس كما يجب ان نعيش".

وخاطبت رولين القاسم ستات البيوت قائلة: "أنا فاهمة انك بتتعبي وتشقي عشان تشتري حاجة بتحبيها، لكن فالآخر ليه بتغطيها ومبتستخدميهاش؟ استمتعي بيها ورجعي السعادة لبيتك، واستعملي ادوات السفرة والنيش، وبلاش تهتمي برأي الناس او تسيبي الغالي للضيوف".

افتحي سفرتك وولعي النور

تابعت: "افتحي سفرتك وولعي النور وطلعي اعلى اطقم عندك ولمي اسرتك وكلوا مع بعض وحسوا بالدفا وحسوا بالبيت وحبوا بعض في البيت"

وعلق إيهاب أنس، على الفيديو قائلا: “كلام رائع .. وفعلا وعن تجربة الحياة بتفرق جامد لما بنعمل كده .. ودائما حريصين على لمة العيلة حتى على عيش وجبنة”.

وقالت فاطمة مصطفى: “حقيقي والله عندك حق انا لسه بقول لنفسي كده وكانك بتقول اللي هعمله من اول السنة الجديد إن شاء الله هغير حياتي كلها”.

وقال حاتم السلمان: “كلام بسيط وسهل ولكن فيه جمال ودفء العلاقة الزوجية السعيدة وأتمنى من الجميع أن يكون هذا هو الواقع المعاش في البيوت".