EN
أحال المحام العام الأول لنيابة جنوب الجيزة الكلية المتهم بهتك عرض خطيبته بالوراق الي الجنايات واستمعت النيابة العامة الي شهادة والدة المجني عليها.
نص اقوال الام بوابة العمارة
س/ ما تفصيلات شكواك ؟
ج / الي حصل إنى انا وجوزي وعيالى ماسكين عمارة رقم (۱) برج النيل في الجيزة وشغالين فيها حراس من اربع سنين، ومن حوالي ثمانية أو تسعة أشهر بنتي جاتلي مرة وقالتلي انا اتعرفت على واحد اللي وبحبه وعايزين نتجوز وبعديها بحوالي شهرين أو ثلاثة جالنا هو وأهله واتقدمولنا واتخطبوا وجابلها دهب وبعد ما اتخطبوا احنا سألنا عليه ولقيناه شاب مش كويس وظروفه على قده فمكناش مبسوطين بالخطوبة.
اقرأ أيضا.. الصيدلي وفتاة إنستجرام.. سجل لها مقطع مخل ونشره على موقع إباحي|ما القصة؟
اقرأ أيضا.. محادثات وصور مخلة.. ثلاثينية في محكمة الأسرة: زوجي خائن واعترف لي
اقرأ أيضا.. خلال ساعات.. جنايات أمن الدولة تنظر محاكمة معتز مطر وآخرين|التفاصيل الكاملة
اقرأ أيضا.. قرار قضائي عاجل في قضية تجميد حافظة فودافون كاش
اقرأ أيضا.. قرار جديد ضد أكبر مروج محتوي إباحي في مصر
لحد ما في مرة من حوالی ۲۰ يوم تقريبا لقيت بنتي بتعيط جامد ولما سألتها مالك لقيتها بتقولى خطيبي قلعنى جزء من الدهب اللي هو جابهولى وقاللى احنا مش هنكمل مع بعض وساعتها لما عرفت وقولت لأبوها قررنا إنى إحنا نفسخ الخطوبة وكل واحد يروح لحاله وقولناله ساعتها هو وأهله إحنا خلاص هنفسخ الخطوبة وهنجيبلكوا بقيت دهبه وكل واحد يروح لحاله.
وبعديها من ساعة ما فسخنا الخطوبة بنتي كانت بتجيلي كذا مرة وبتقولى إحنا بنحب بعض وعايزين نرجع لبعض وأنا كنت برفض وبقولها لا خلاص الولد دا مش كويس ومش هترجعوا لبعض وفي ناس أحسن منه لحد ما يوم الأربعاء اللي فات لقیت بنتی مرة واحدة مش موجودة في العمارة اللي احنا شغالين فيها وسابتها وهربت.
فروحت انا قولت أكيد هي هربت معاه وفضلت أدور على بنتي من يوم الأربعاء اللي فات وروحت لأهله ساعتها وقولتلهم فين ابنكم عشان هو خطف بنتي وقالولى ساعتها إحنا منعرفش ودورى انتى على بنتك وشوفي راحت فين، وبعدين أول امبارح لقيته بيكلمني على التليفون وبيقولى انا وبنتك لازم نرجع لبعض عشان انا وبنتك نمنا مع بعض فا لازم نكتب على بعض وساعتها انا اتصدمت من اللي حصل وروحت أعمل محضر في قسم بولاق بمديرية أمن الجيزة امبارح وهناك بعد ما عملت المحضر لقیته وبنتى جوه القسم هما كمان مع بعض وبيقولوا احنا متجوزين وعملين عقد.
س/ وكيف نشأت تلك العلاقة؟
ج/ معرفش هما اتعرفوا على بعض ازای.
س/ وإلي أي مدى تطورت تلك العلاقة بينهما؟
ج/ هما في الأول كانوا مخطوبين وبعض كدة الخطوبة اتفركشت وأول امبارح محمد روبي كلمنى وقاللي إنى هما ناموا مع بعض وساعتها انا اتصدمت، وامبارح لما روحت القسم وشوفتها لقيتهم بيقولوا إنى هما متجوزين عرفي.
جاء بأمر الإحالة الذي أعدت نيابة شمال الجيزة أن المتهم هتك عرض طفلة بغير قوة أو تهديد بأن إختلى بها على إثر خطبتهما مستغلا حداثة عهدها وعاشرها معاشرة الأزواج.
شهدت والدة المجني عليها بسابقة خطبة نجلتها للمتهم وان تلك الخطبة استمرت عدة أشهر الي أن حدثت خلافات بينهم أدت الي الفسخ , وأن نجلتها كانت ترغب في الزواج منه وصرحت لها بذلك عدة مرات بعد فسخ الخطبة بينما كانت هي ووالدها يرفضان زواجهما, وفي غضون نهاية شهر يوليو تفاجئت باختفاء نجلتها من المنزل فتوجهت للإبلاغ عقب أن علمت بهروبها مع المتهم وانه عاشرها معاشرة الأزواج.
