تهزيق وشتيمة من أول يوم.. "تالتة مدني" القاهرة تستغيث برئيس الجامعة

بعث طلاب الدفعة الثالثة بقسم مدني جامعة القاهرة، رسالة استغاثة إلي الدكتور محمد عثمان الخشت رئيس الجامعة، يترجوه أن يرحمهم من أستاذ جامعي، حيث أدعا الطلاب أن الدكتور يدرس لهم أحد مواد الكلية ويقوم بمعاملتهم معاملة سيئة ويتوعدهم بإنه سوف يرسبون. 

وقام عدد كبير من الطلاب بكتابة الشكوى علي الصفحة الشخصية للدكتور الخشت رئيس جامعة القاهرة علي منصة التواصل الإجتماعي سوشيال ميديا.

وجاءت نص شكوا الطلاب التي أنتشرت علي مواقع التواصل الإجتماعي السوشيال ميديا كالتالي: 

“دفعة تالتة مدني هندسة القاهرة بتتعذب من دكتور بالكلية !!! 
معالي السيد / محمد عثمان الخشت - رئيس جامعة القاهرة
احنا ابنائك دفعة تالتة مدني هندسة القاهرة عندنا دكتور من اول يوم بيوعدنا انه هيسقطنا فالمادة من اول يوم تهزيق ووعد من اول يوم شتيمة ومعاملة غير ادمية متليقش بطالب هندسة ولا بطالب في جامعة القاهرة من اعرق جامعات العالم.
كما ادعا الطلاب في شكواهم أن الدكتور لا يقوم بتطبيق لأئحة الكلية في أعمال السنة وعامل نظام لوحده فالدرجات عكس نظام الكلية عامل نظام يسقطنا بيه… الدكتور كان بيدي الترم التاني بس.. السنة ديه بقا يدي ترم اول وتاني بيقول انا بقيت ادي الترمين عشان اسقطكوا".

وذكر الطلاب في نص شكواهم، إنهم يقومون بمجهود كبير في المادة "مع العلم إنها مادة عاملين فيها مجهود رهيب في المذاكرة بس العيب مش فينا اكيد مش كلنا فاشلين اكيد انا مش طالب في هندسة جامعة القاهرة وصلت لرابع سنة ليا فالكلية وفاشل اكيد لما الدكتور يدرسلي حاجات ومناهج وامتحانات بتتحط مفروض لطلاب دراسات عليا لما تتحط لطالب لسه بيدرس بكالوريوس اكيد مش فاشل انه مش عارف يحل مسائل صعبة جدا جدا // المعيدين بيحضروا المحاضرة معانا عشان المعيد مش عارف يشرح ايه فالسكشن يبقي اكيد العيب مش فالطلاب 
احنا عايزين نتعلم عايزين نفهم ايه الاستفادة من ان دكتور يسقط دفعة كاملة .

الدفعة ال قبلنا السنة ال فاتت طلاب كتير جدا هتأخر الجيش بتاعها بسبب انهم عاملين يسقطو في مادة الدكتور ليه الاذي لطالب في كلية عملية مش سهلة احنا مضغوطين جدا لوحدنا و بنستحمل الضغط عشان بنتعلم لكن نضغط ونسقط كمان والسبب مش من عندنا لو علي المذاكرة والمجهود احنا بنعمل كدا احنا فعلا تعبنا ولجئنا لحضرتك بعد حلول كتير فشلت لاننا تعبنا نفسيا وذهنيا ..

ونرجو من سيادتك التدخل وحل هذه الازمة كما معتادين من حضرتك وموافقك العظيمة تجاه ابنائك الطلاب".

وحرص موقع صدى البلد علي التواصل مع الدكتور حسام عبد الفتاح عميد كلية الهندسة بجامعة القاهرة لمعرفة حقيقة الشكوى المنتشرة علي الفيس بوك في الوقت الراهن.

وصرح عبد الفتاح في تصريحات خاصة لـ “صدى البلد”، أن الكلية سوف تطلع علي الشكوى المقدمة من قبل الطلاب وسوف تنظر فيها لتبين فيها ومعرفة حقيقة الأمر.