EN 
حلت النجمة الكبيرة سوسن بدر، ضيفة على الإعلامية "منى الشاذلي"، ببرنامج "معكم منى الشاذلي" المُذاع عبر فضائية "سي بي سي".
وتحدثت النجمة الكبيرة سوسن بدر، عن الفنانة الراحلة رجاء الجداوي، قائلة: "علاقتي بدأت مع رجاء الجداوي من لما كانت أشهر وأجمل عارضة، وكانت نموذجا للست الحلوة إزاي تقعد وتتحرك".
وأشارت: "بدأت في عروض الأزياء قبل التمثيل، وقضيت 2 و3 ثانوي في عروض الأزياء"، موضحة: "قرأت إن كان في بيت أزياء ومصر كان فيها بيوت أزياء كبيرة جدا زي أوروبا وباريس وإيطاليا كان منهم بيت أزياء في شارع قصر النيل وطالب عارضات أزياء فقولت أنا هروح".
وتابعت: "ووالدي ووالدتي لم يعارضوا ومامتي جت معايا، وفي اليوم ده اتعرفت على مدام رجاء الجداوي"، موضحة: "كانت مدام رجاء بتدربنا بعد ما نجحت أن وزميله ليا اسمها رندا، إزاي نقعد وازاي نحط الأيد وازاي منضحكش بصوت عال، إزاي يبقى في رقي بشكل عام، ونقول إيه ومنقولش إيه".
