EN
دا ناشف زي الكهربا وتعبت من بخله .. بتلك الكلمات بدأت سيدة حديثها، أمام محكمة الأسرة، وعن مأساتها تتحدث: جوزي بخيل جدا مش بيصرف جنيه واحد هيموتني انا وابني، دا شغال كهربائي وبيكسب فلوس على قلبه قد كده.
فلوس العيدية
تُكمل الزوجة بحديث يملأه خيبة الأمل، تقول: لو اشترينا حاجة أغلى من اللي يقول عليها بـ جنيه، يقولي انتي وابنك مبذرين مع العلم أني مش بطلب منه غير طلبات البيت ومصاريف تعليم ابني حتى في الأعياد والمناسبات مبيرضاش أطلب منه حاجة عشان مايتكلمش وبحرص أني أحافظ له على فلوسه وبعد كل ده ما بيحسش بينا.
واصلت الزوجة المهمومة حديثها قائلة: في العيد ابني اخد عيدية من إخواتي 200 جنيه، في الفترة دي ابني كان دائما يطلب مني أجيب له ساعة وأنا كنت بخاف أجيبها له جوزي كان يعمل معي مشكلة، لما أخد العدية راح اشتري بيها الساعة، وقتها رجع أبوه من الشغل وأول ما شافها، مسكني أنا ونزل فيا ضرب عشان مديتلوش فلوس العيدية.
المروحة.. و محصل الكهرباء
واختتمت حديثها ، مرة قاعدين والباب خبط كان محصل الكهرباء، جوزي فتح له وخد منه الفاتورة كانت بـ 500 جنية، قام ضربني و بهدلني، ومسك المروحة وقالي.. مش هي دي اللي مشغلاها 24 ساعة أنتي وأبنك وكسرها عليا ابني اتفزع من الموقف، تاني يوم سبت له اليت ومشيت رجت عند بيت أبويا واخد أبني معايا، وقررت بعدها أني أجي للمحكمة عشان أخلعه.
