EN
تداول مستخدمو مواقع التواصل الاجتماعي صورة لطفل صغير، وكشفت الصورة عن مرض خطير بعد التقاطها بكاميرا الموبايل ولم تكن صدفة أو فلاش كما يعتقد البعض.
علقت إحدى رواد السوشيال ميديا على الصورة قائلة:" أنا مش عايزة أرعب حد بس اللي يشوف لأولاده صورة زي دي ميهملش ويقول ده فلاش الموبايل، الفلاش ميعملش ابيض كده الا لو فيه حاجة في العين كانوا بيصوروا ابني وانا مكنتش موجوده اصلاً معاه والحمدلله انهم انتبهوا ان الصوره شكلها غريب وابن خالي بعتهالي."
تابعت:"انا دايخة بابني عند الدكاترة من امبارح لان لا قدر الله ساعات بيكون الموضوع خطير.
هي الحمدلله طلعت وحمة في قاع العين بس بجد محدش يهمل منهم.. فيه دكتورة افتكرتني اصلاً دكتورة لما قلتلها انا شاكة في كذا.. قالتلي انت حضرتك دكتورة قلتلها لأ بس الموضوع ملفت ودورت في الموضوع قلتلي انت من الناس القليله اللي عندها وعي."
وكتبت:"فـ بجد محدش يهمل لان الدكتورة نفسها قالتلي قبل ما اكشف عليه لما بعت الصورة للعياده قلت الصوره شكلها موضوع خطير و ربنا يستر بس الحمدلله عدت على خير..بجد محدش يهمل في حاجة زي دي ابداً."
