EN
" جوزي غاوي رقاصات " هكذا بدأت زوجة وصفها لـ زوجها أمام قاضيمحكمة الأسرة وعن الوضع التي صارت فيه بعد زواجها بـ 10 بسبب تواجده طول الوقت في الكباريهات و الرقاصات، مما جعلها تقرر خلعه لتتخلص من العيشة معه ".
مدرس فيزياء
دا كان بتاع ربنا.. واصلت الزوجة المُحطمة نفسيا حديثها للقاضي بلهجة حزينة وقالت: زوجي مدرس فيزياء متجوزين من 13 سنة قعد فترة طويلة ملتزم دينيا ومش مقصر في اي حاجة سوء معايا أو مع اولاده لحد ما جي في يوم بيقلي أنا زهقت من الروتين اللي انا في ده والمسؤوليات الي مش بتخلص، بدأ بعد كده أنه يخلص شغل في المدرسة والدروس الخصوصية ويروح الكباريه باليل.
تُكمل الزوجة بحديث تملؤه المفاجآت والصدمات التي لم تكن في حسبانها إطلاقا، في يوم فكرت اعمله زي ما بيشوف اللي في الكباري، وأستني الولاد يناموا وجيبتله بيرة وشيشة وقولت أرقص له أنا لكن معجبهوش وقالي متقارنيش نفسك بيهم دول أجسامهم مفيهاش غلطة.
بيخلص فلوس الدروس على الرقاصات
وتضيف:كان يوميا يرجع سكران ومخلص فلوسه علي الخمرة والرقاصات اللي كان بينقطهم وهما بيرقصوا ويرجعلنا البيت اطلب منه فلوس للعيال يقولي مش معايا وخلصوا تعبت منه وكنت ساكته عشان عندي منه ولدين وفي سن مراهقة ومحتاجين أنهم يعيشوا في جو أسري.
مرة لقيته بيقولي انه اترفد من المدرسة و الطلاب بتوعه مبقوش يجوله بسبب أنه طول الوقت مغيب مش مركز ويشرح دروس غلط لحد ما أترفد وساب شغله، وضيع نفسه.. خسرني وخسر كل حاجة استحملته كتير عشان خاطر اولادى لحد ما قررت أخلعه وأرتاح منه.
