EN
علقت الإعلامية ياسمين عز، على عودة شيرين عبد الوهاب لحسام حبيب، قائلة: "أنا مش جايه أفرح فيكم، ولا جايه أشمت فيكم، أنا جايه أقولكم، واحد ليَّا، وصفر ليكم، قلبي مفرفح من الفرحة".
وأضافت الإعلامية ياسمين عز، خلال تقديمها برنامج "كلام الناس" المُذاع عبر فضائية "إم بي سي مصر": "أنا فخورة بشيرين ومبسوطة بيها وقلبي منتعش من الفرحة بعد عودتها لحسام حبيب وأنا بثقف لها لأنها ست أصيلة وقولنا أن الست ملهاش إلا بيت جوزها".
وأشارت: "كان نفسي أعمل تسريحة أم العروسة علشان شيرين رجعت لحسام بس قولت ألبس أبيض علشان أحتفل بالخبر ده".
مفيش كرامة بين الزوج
وأضافت: "قولنا مفيش كرامة بعد الزواج ومفيش كرامة بين الزوج وزوجته ونجمة الدنيا شيرين طبقت كلامي وقالتله يا سي حسام واعتذرت لحسام حبيب أمام الوطن العربي كله"، متابعة: "شيرين طبقت كلامي بأن الكرامة تكون داخل الدرج بدليل قولها أحنا مش بنطفش أحنا بنعمر واعتذارها لصوتها العالي ولا كرامة بين الرجل ومراته وربنا يرضى على شيرين دنيا وأخرة".
