EN
عبّر الفنان حسن عيد، عن استيائه الشديد لما يفعله صاحب واقعة كشري التحرير.
كتب حسن عيد، من خلال حسابه الرسمي على “الفيسبوك”:"انهاردة حلمت اللهم اجعله خير طلبت اوردر طبق كشرى بفتح الباب لقيت عامل النظافة فى وشى جايب الاوردر”.
وتابع:"تفسيره ايه .. انا صحيت من النوم لقيت كل فنانين مصر بتطرد عامل النظافه بتاع محل الكشرى من كل اللوكيشنات السؤال هو ازاى لف فى يوم واحد كل اللوكيشنات دى واتطرد من كل الفنانين والفنانات دى والا انتش واركب الترند وخلاص”.
يذكر أن حرص مؤلف فيلم التاروت على أن يدلي بشهادته بخصوص المتداول عن طرد صاحب واقعة محل الكشري.
وكتب عبر حسابه على فيسبوك:"شهادة حق أحاسب بها أمام الله :- أنا مؤلف فيلم التاروت، ومفيش نجمة أو نجم من نجوم الفيلم طردوا الشخص اللئيم اللى اتعرف باسم (عامل الكشرى) من اللوكيشن نهائيا، ده محصلش خالص، ده حرفيا اقتحم اللوكيشن، ومفيش شخص عنده كرامة واحترام لنفسه يقتحم لوكيشن (يعنى البيت بتاع كرو العمل من غير عزومة).
وأضاف مؤلف فيلم التاروت، «ده بنى آدم مش سالك ومش غلبان ولا نيلة - خاااالص- ويمتلك كهن ولؤم مشفتهومش فى حد، أنا رفضت أنه يتصور معايا، ولو عندى تعاطف مع حد فى الترند البائس ده فا كامل تعاطفى مع الموظف اللى قاله يستنى بره المحل، وكنت حابب أعزمه على أكلة كباب وكفته، وربنا يرحمنا برحمته من الترندات الشمال دى.
