محمد موسى لـ مصطفى كامل: أنا عايز تصريح مؤدي شقلباظات

انتقد الإعلامي محمد موسى، قرارات الفنان مصطفى كامل الأخيرة، بشأن السماح لمؤدي المهرجانات بالغناء واستخراج تصاريح لهم.

وتساءل موسى خلال تقديم برنامج "خط أحمر" على قناة الحدث اليوم، هل القرارات دي هترتقي بالذوق العام؟ وهل أنت مش شايف أن بعد حرب شرسة ضد هذا الإسفاف لمدة وصلت لسنتين تيجي حضرتك بجرة قلم ترجعهم على الساحة.. طيب خلاص أنا كمان بطلب منك تصريح مؤدي أي شقلباظات بس آخد الكارنيه وأشتغل أنا كمان ما دام الحكاية بقت سداح مداح.

وتابع، الحقيقة أنا مصدوم لأني كنت واحد من الناس اللي راهنوا على توليك المسؤولية وكنت أنتظر منك قرارات تانية غير كده .. كنت أنتظر تدعيمك للفن الراقي الهادف مش بتاع بيكا وأقرانه".