EN
اللحظات المؤثرة من لقاء أو وداع حبيب لا تكون بين مجموعة من البشر أو الحيوانات وبعضهم البعض فقط، بل إن الأمر يصل إلى تبادل نفس المشاعر وربما أضعافها بين البشر والحيوانات.
خلال الساعات القليلة الماضية، أثار مقطع فيديو للحظات مؤثرة تودع فيه سيدة مكلومة على أمرها كلبها بالدموع والصرخات تعاطف الآلاف، مع كثرة نداها على كلبها، قائلة: «ما تسبنيش يا حنفي».
سيدة تودع كلبها بمأساوية
ورددت السيدة خلال مقطع الفيديو المؤثر: «يلا يا سعيد، ميه يا سعيد، والنبي والنبي ياحنفي ما تسبنيش، والنبي يا حنفي ما تموت، والنبي يا حنفي ما تسبنيش».
وتابعت السيدة الحزينة على كلبها: «والنبي يا حنفي ما تسبنيش، ارجع يا عمري ارجع، ارجع يا حنفي علشان خاطري، ارجع يا حنفي وحياتي، والنبي طلع يجري مش عاوز يموت قدامي، رجع والنبي يا حنفي، والنبي يا حنفي ما تسبنيش».
مصير الكلب المبكي لآلاف
وعن مصير الكلب الذي يبدو أنه أصيب بحالة تسمم، علق ناشر الفيديو بأنه توفي بالفعل وحملته السيدة التي لم يكشف عن اسمها بين ضلوعها حتي قامت بدفنه تحت التراب.
وكانت من أبرز تعليقات المشاهدين لمقطع الفيديو المؤثر: «لا حول ولا قوة إلا بالله العلي العظيم والله وجع قلبي الراحمون يرحمهم الله الرحمه بالحيوان من رحمه ربنا»، «الرحمة حلوة سبحان الله ربنا يجعل رحمتها للحيوان فى ميزان حسناتك»، «لا حول ولا قوة إلا بالله العلي العظيم..ربنا ينتقم من اللي أذاه وحسبي الله ونعم الوكيل، وربنا يصبرها ويوفيها جزاء رحمتها بيه فى الدنيا وفي الآخرة يارب..المشهد يقطع القلب ومش مضحك نهائي للناس اللي داخله تستهزأ بيها وبمشاعرها.دي نعمة من ربنا للأسف اتحرمتم منها».
وواصل آخرون: «لاحول ولا قوة الا بالله مفيش أى حاجة تضحك دى روح وكتير بيكون اوفى لصاحبه من الانسان الراحمون يرحمهم الله»، «لاحول ولاقوة الابالله ده ناس قلبها فيه رحمة للناس اللي بتضحك ده ميعرفوش يعني اه حد يكون مربي روح واتعلق بيها».
