EN
قال الرئيس السيسي:"السياق الإعلامي مش في خدمة الرئيس .. السياق الإعلامي لخدمة الفكرة"، متابعًا: “انت عايز توحد الجهود.. أدبيات التعامل مع هذا الواقع في الظروف اللي كانت بتمر بيها مصر مكنتش مناسبة”.
وتابع “السيسي” خلال كلمته في الجلسة الختامية للمؤتمر الاقتصادي:" اديكوا مثال على هذه النقطة.. كنا بنتكلم على أهمية تصويب وإصلاح الخطاب الديني.. قلت ياجماعة الواقع اللي بنشوفه في منطقتنا والفهم والممارسات الدينية الموجودة في بلادنا تحتاج إعادة طرح فهم عصري".وفي سياق متصل، قال الرئيس عبدالفتاح السيسي: "الفعاليات اللي اتعملت والكلام اللي اتقال.. وإحنا كدولة وحكومة ملتزمين إن التوصيات اللي تم الاتفاق عليها نعملها"، مؤكدًا أن ما تم لم يكن هدفه إضاعة الوقت وسينفذ.
وأضاف الرئيس السيسي،: "لا بد أن يكون للمؤتمر ده آليات مستقرة مؤسسية تستطيع أن تكون موجودة مع الحكومة بشكل مستمر".
وتابع: "أنا متفق معاكم المؤتمر يتعمل كل سنة.. وافتكروا إن إحنا من 5 سنين وأكتر كنا حريصين على عمل منصة حوار، وكنا بنقول المؤتمر ده مؤتمر الشباب هيتم تناول فيه قضايا الدولة كلها مش الشباب بس".
