السيسي: مفيش قرش من موازنة الدولة اتدفع في العاصمة الإدارية

قال الرئيس عبد الفتاح السيسي : "العاصمة الإدارية عبارة عن 175 ألف فدان.. إحنا شغالين على 40 ألف فدان.. وأنا بقولكوا أهو مفيش حد من موازنة الدولة دفع قرش هنا، ومش كدا وبس، الشركة اللي شغالة هنا هتأجر كل اللي عملته في التطوير العقاري للحكومة".

وأضاف “السيسي”، في كلمته خلال فعاليات اليوم الأول من "المؤتمر الاقتصادي - مصر 2022": "الـ 40 مدينة اللي اتكلم عليها الدكتور مصطفى (رئيس الوزراء) أضافت في رصيد الدولة المصرية مش أقل من 10 تريليون جنيه في أصولها، وأنا مستعد إن يبقى في لجان تتشكل وتدرس اللي أنا بقوله ده".

وانطلقت اليوم، الأحد، فعاليات اليوم الأول من "المؤتمر الاقتصادي - مصر 2022"، الذي تنظمه الحكومة المصرية خلال الفترة من 23 إلى 25 أكتوبر الجاري.

وجاء المؤتمر بتكليف من الرئيس عبد الفتاح السيسي؛ لمناقشة أوضاع ومستقبل الاقتصاد المصري، بمشاركة واسعة لنخبة من كبار الاقتصاديين، والمفكرين، والخبراء المتخصصين.