EN
أثار الفنان حسام حبيب حالة من الجدل الواسع بعد تصريحاته المثيرة للجدل مع الإعلامى عمرو أديب والتى دفعت والده حسين حبيب للخروج عن صمته ويهاجم ابنه.
وقال والد حسام حبيب عبر صفحته على موقع التواصل الاجتماعى فيسبوك : "أنت بتقول لما رجعت ليها العربية، واحد بيشتغل معاها أخد العربية اللي بـ 5 مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وأنها بتكتب شيكات للناس على بياض.. أنت كده بتدي مبرر لأهلها ليحجروا عليها وبتطلعها أنها سفيهه وعبيطه وأنا من معرفتي بيها إنها واعية وناصحة، بتيجي تكحلها تعميها.. اسأل أبوك يقولك تقول ايه، أنت بتقول أنك عمرك ما أخدت منها فلوس وأهلها عايشين على قفاها وأنك ما بتشتغلش أربع سنين كنت عايش على قفا مين!.
وأضاف والد حسام حبيب : “هي قالت لي يابابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، اخدت مني مليون جنيه عشان تشطب فيلتك وما تعيش في بيت مراتك وها اردهملك.. ومن ساعة ما اتطلقت، وأنا بصرف عليك ورايح تقول لعمرو أديب وتهاجمني لتاني مره أنك ماتعرفنيش من 14سنه.. ما بتعرفنيش إلا للمصلحة وعشان تاخد فلوس وما دخلتش بيتى سبع سنين، وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج وخليك راجل.. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا”.
حسام حبيب يدافع عن نفسه
وخرج حسام حبيب أمس، الجمعة، عن صمته، وتحدث عن فترة زواجه من شيرين عبد الوهاب، وذلك عبر مداخلة هاتفية مع الإعلامى عمرو أديب وقال: “بحب شيرين، وكنت بجلس معها أكثر من 15 ساعة فى اليوم ولم أزهق”، وتأثر على الهواء، قائلا: "بحبها".
وأضاف حسام حبيب، خلال مداخلة مع الإعلامي عمرو أديب، أن شيرين فى حالة نفسية صعبة، وموجودة بالمستشفى، بدون موبايل، وممنوع عنها الزيارة، و لا تعلم شيئا عن أولادها.
ونفى ما تردد أنه كان يقول لشيرين: “إنتي تخينة”، قائلا: “عمري ما قولتلها كده.. أنا سكت وده ضرها”، مضيفا: “أنا مكنتش في حياة شيرين.. إزاي توصل للمرحلة التالتة من الإدمان بسببي، وإشمعنى دخلت المستشفى بعد بيان الصلح”، محملا أسرتها مسئولية وصولها لهذه المرحلة.
وتأثر حسام حبيب على الهواء وكاد أن يبكي، قائلا: "شيرين مضروبة علقة محترمة، وأنا انضربت شكلها، وهذا المشهد لن ينسى من ذاكرتي".
واعترف حسام حبيب بإدمان شيرين، مضيفاً أنه خيرها بينه وبين المخدرات، وأشار إلى أن إدمان الفنانة "وصل في بعض الأحيان إلى أن تصبح المخدرات أهم منه"، لكنه أكد أنه، في وقت ما، كان شاهداً على تحسن شيرين ومحاولتها التغلب على الأمر.
وكشف الفنان حسام حبيب، عن سبب قيام شيرين بشتمه رغم حبها له، على حد وصفه.
وقال: “هي كانت بتتكلم عني كلام شنيع بس لمجرد إنها بتحبني واندفاع ستات، إزاي أنا كنت رافض العودة”.
وأكمل: “هي كانت بتعمل كده وشايفة لو فيه خناقة تربطنا ببعض يبقى تمام لأن الحب فضل مستمر رغم الانفصال، وأنا لما أخذت العربية أخدتها عند بسبب اللي كانت بتقوله عليا”.
