كشف الفنان حسام حبيب، خلال مداخلة هاتفية مع الإعلامي عمرو أديب، تفاصيل جديدة لأول مرة عن علاقته بشيرين.

وقال خلال مداخلة ببرنامج "الحكاية" والمذاع عبر قناة "ام بي سي مصر": وجودي مكنش محبب من الناس اللي حواليها، لأنهم اكتشفوا ان الحنفية اتقفلت، شيرين كان عندها رقم صادم في البنك، أنا كان عندي فلوس أكتر منها بكتير".

وأوضح:"من قبل ما نتجوز، هي عندها نجاح واسم لكن مش بيترجم لأي حاجة خالص، شيرين كانت منهوبة وأنا كنت العدو الأول لأي حد يعمل كدة”.

وأكمل حسام حبيب: “شيرين كانت منهوبة من الناس اللي عايشين من خيرها، كانت بتأكلهم وتشربهم وكانوا عايزين يمتلكوها، وكان هدفهم ان الشخص ده لازم يمشي، ومش هنكر انهم نجحوا، مضيفا:" شيرين استنجدت بيا لأنها كانت بتتنهش وكانت عاوزاني أنقذها من المحيط المتواجدة فيه".