تداول موقع التواصل الاجتماعي فيس بوك منشورا لعميد كلية العلوم السابق بجامعة المنوفية يحكي موقفا مؤثرا لطالبة تريد أن تحول من قسم إلي قسم آخر بالكلية.

ونشر الدكتور محمد توقيق عميد كلية العلوم السابق بجامعة المنوفية منشورا علي حسابه الشخصي فيس بوك قائلا "أثناء مروري وأنا عميد الكلية لقيت طالبة خارجة من مسجد الفتيات بتعيط وبتتمتم بدعاء ورافعة إيدها للسما .. سألتها : مالك يابنتي ؟ قالت : عايزة احول من كيمياء نبات لكيمياء ميكرو وطلبي إترفض و صاحباتي بيقولوا : لازم واسطة .. قلتلها طيب تعالي معايا .. جت معايا المكتب جبتلها عصير من التلاجة بنفسي وطلبت شؤون الطلبة جابولي كل طلبات التحويل ووافقت عليها كلهاااا .. وقلتلها : مبسوطة ؟ أديني أكرمت كل الطلبة علشانك .. أي حاجة تعوزيها بقا تجيلي والسكرتيرة هتدخلك ع طول .. ضحكت وقالت : لا يادكتور أنا هبقا آجي أسلم ع حضرتك بس .. لكن لما اعوز حاجة هصلي وأدعي ربنا وزي ماجاب حضرتك لحد عندي علشان تحوللي هيجيب اللي حاجتي عنده علشان يقضيها
.. والله عيني دمعت وإتمنيت إن أروح لأبوها وأمها أبوس راسهم على تربيتهم الراقية دي
والله زمبؤولكم كدا "

وجاءت التعليقات علي المنشور ومنها “ الأيمان بالله بأن الله له ما في السموات والأرض وان الله هو الغني وهو القادر وهو الي بسبب الأسباب الإيمان بالله هو الي يخلي الواحد يعمل كده ويقول الكلام الحلو ده ”.