EN 
قال الرئيس السيسي إنه تم بدء النظر في مشاكل مصر في عام 82 رغم أن الأزمة الاقتصادية بدأت فعاليتها منذ عام 67، معقباً: "هذا يعني أن الدولة المصرية توقفت حوالي 15 سنة ومعملتش اي حاجة .. وكان ممكن أوي ان احنا نعمل كده بردو في الوقت الحالي ونقول لسة الحرب منتهتش ومش هنعمل حاجة".
وأضاف "السيسي" خلال الندوة التثقيفية 36 بعنوان أكتوبر إرادة وطن بمناسبة ذكرى انتصارات أكتوبر، قائلاً: " كان كل قرش بيعتبر اقتصاد حرب لصالح الكرامة والكبرياء .. ولصالح النصر.. اللي احنا دلوقتي سعداء وبنحتفل بيه".
وتابع: "أنا بردو كان ممكن أقول اننا نعمل كده وكان مبرر .. ولكن انا قولت إن اللي بيعمل الارهاب ده وبيعمل الاقتتال ده .. هدفه ان البلد ديه تعجز أكتر وتفقر أكتر وتتخلف اكتر .. واحنا مش هنمكنهم من ده .. وهنبني على قد ما ربنا يقدرنا".
