بيسقط من نظري.. لقاء سويدان: مبحترمش الراجل البخيل واللي بيتريق على عيوب مراته

حلت الفنانة لقاء سويدان ضيفة على برنامج "تحيا الستات"، المُذاع على فضائية "النهار"، وتحدثت عن الرجل البخيل، وعدم احترامها لنوع معين من الرجال، وعن أسباب الطلاق، وهو ما نعرضه لكم هذا السطور التالية:

لقاء سويدان تهاجم الرجل البخيل
 

ردت لقاء سويدان عند سؤالها عن الرجل البخيل قائلة: "الراجل البخيل في فلوسه بيكون بخيل في مشاعره وبخيل في كل حاجة".

وأضافت: "أنا قابلت شخصية بخيلة في حياتي .. وكان بيعزمني ويذلني بعدها .. اللي هو يقعد يقولي أنا عزمتك على كذا .. وفاكرة لما عزمتك على كذا وكذا".

لقاء سويدان تتحدث عن رجل بخيل قابلته في حياتها 

وقالت لقاء سويدان إنها لا تريد الإفصاح عن اسم هذا الشخص، معقبة: "انا مش هقول اسمه بس هو غني عن التعريف .. وياما تحت السواهي دواهي".

لقاء سويدان تتحدث عن الرجل الذي لا يهتم بأسرته وزوجته
 

علقت لقاء سويدان على الرجل الذي لا يهتم بزوجته ومنزله بصفة عامة قائلة: "أنا رأيي اللي تقابل شخص زي ده وتكون عايزة تطلق .. المفروض تبص على مميزاته الأول .. لأن الطلاق مش سهل ولا بسيط .. وكل واحد فيه عيوب".

وأكملت الفنانة: "والمفروض الراجل يبقى عارف إنه لما يعطي زوجته اهتمام وحب هي كمان هتبادله ب ده ..يعني هما الاتنين هيتبسطوا .. فأنا مش شايفة إن ده عيب كافي أو سبب للطلاق".

لقاء سويدان عن الرجل الذي يتحدث بطريقة سيئة عن زوجته أمام الناس: 

تحدثت لقاء سويدان عن الرجل الذي يتحدث بطريقة سيئة على زوجته أمام الناس قائلة: "الراجل اللي يبين عيوب مراته قدام الناس .. ويتباهي وهو بيتريق عليها؛ بيسقط من نظري جداً .. لأن كرامة الراجل من كرامة مراته".

وأضافت: "في رجالة للأسف بتحس إنها كده جامدة لما تقعد تعيب في مراتتهم .. والناس اللي مش بتحب مراتها هيمسكوا في الكلام ده طبعا".

وأكملت قائلة: "أنا مبحترمش الراجل ده خالص لأنه بيفتكر نفسه دمه خفيف وهو بيتريق على عيوب مراته .. وانا مبحترمش ده نهائي".  

لقاء سويدان عن الطلاق:
 

عقبت لقاء سويدان حول الطلاق قائلة: "ما هو مش كل ما يحصل مشكلة كبيرة بين الست والراجل يتطلقوا .. فيه حاجات ممكن تتصلح بالوقت .. لازم يتعبوا مع بعض".

وتابعت: "يعني أنا بحب حاجة لازم أتعب فيها .. ممكن تكون الحياة بايظة بس لازم الاتنين يتعبوا ويتنازلوا ويقدروا قيمة بعض".

لقاء سويدان عن الطبخ:
 

علقت لقاء سويدان حول مقولة "الست لو طلعت المريخ أخرتها للطبيخ" قائلة: "اه طبعاً .. الست ست ولازم تكزن بتعرف تطبخ ولو حاجة بسيطة".
وتابعت: "أنا شخصياً بحب المطبخ أوي .. وبعرف أطبخ جداً .. وأنا اللي دايما بطبخ لأن أنا مبحبش الناس اللي أكون بحبها تاكل من إيد حد تاني .. حتى بنتي متعودة على كده دايماً ..علشان كده أنا بطبخ كل يوم".
وأضافت "سويدان" قائلة: "أنا كنت متعلمة حاجات من ماما .. واللي ملحقتش أتعلمه بتفرج على اليوتيوب وأتعلم .. ولما أدوق حاجة عجبتني عند صاحبتي أو في مطعم بسأل اتعملت ازاي وبتعلم".