EN
قال مكرم إبراهيم، الرسام، إنه يتجاوز من العُمر سن الـ 70 ولكنه لا يزال يُبدع في الرسم بشارع المُعز، معقباً: "في السن بتاعنا ده الراحة مُتعبة .. يعني الراحة بتتعب أكتر ما تريح، عشان كده الواحد بيحاول على قد ما يقدر إنه يتحرك ويشتغل ويعمل حاجة بيحبها".
وأضاف "إبراهيم" في مداخلة هاتفية مع برنامج "8 الصبح" المُذاع على فضائية "دي إم سي"، قائلاً: "أفضل حاجة الواحد يعملها بعد ما يطلع معاش إنه يسعى ويشتغل أو يلعب رياضة لأن لو قعد في البيت هيصيب بالأمراض واليأس والنفسية بتكون وحشة".
وتابع الرسام: "ياريت اللي يطلع على المعاش يشوف حاجة يعملها بدل قعدة القهاوي طول اليوم ديه وبعدها يروح ينام .. ديه مش حياة .. لازم الواحد يمارس حاجة بيحبها عشان ميحسش بيأس".
ونوه "إبراهيم" أنه يفضل الرسم الوجه على الرغم من أنها أصعب شيء في الفن بصفة عامة، معقباً: "كل وجه مرتبط بشخصية معينة، ولو اتلغبطت في حاجة ممكن الوجه يكون لشخصية تانية .. فلازم اللي يرسم بورتريه يكون متمكن وواثق من نفسه عشان الصورة تطلع مظبوطة".
