EN
كشفت الصفحة الرسمية المسئولة عن حملة التبرعات للطفلةسيلينأيمن، مريضة ضمور العضلات، آخر تطورات حالتها الصحية وذلك عبر موقع التواصل الإجتماعي "فيسبوك".
واعلنت الصفحة عن تدهور حالة الطفلة وذلك فى منشور لها : "النهاردة كلام الدكاترة إن سيلين بقى عندها ضعف عام، وضعف في المناعة، ونقص حاد في كرات الدم البيضاء، وقلة تغذية؛ عشان عندها صعوبة في البلع ومشاكل في التنفس وعياط متواصل في العلاج الطبيعي والتحاليل والفحوصات، وده كله بسبب تأخرها في الحقن لحد دلوقتي.
وأضافت الصفحة: سيلين بتعيط كتير لأنها مش فاهمة اللي بيحصلها، ومش عارفة هي ليه مش زي با قي الأطفال اللي حواليها بتلعب وتتحرك وتاكل بشكل طبيعي، والدكاترة كان عندهم أمل إنها بالكتير سنة وشهر تكون واخدة الحقنة، ومعدش في وقت تستنى.
وتابعت الصفحة: سيلين تعبت خلاص وهي كل يوم في جلسات علاج وشكشكة إبر، وعينات ومجهود وجسمها بيضعف كل يوم عن اليوم اللي قبله.
أكل مرض ضمور العضلات الشوكي في جسد الطفلة سيلين، حتى تدهورت حالتها الصحية وبدأ الأب والأم لا حيلة لهم أمام حالة طفلتهم التي تحتاج إلى دواء عبارة عن حقنة تكلفتها حوالي 40 مليون جنيه.
المبلغ الضخم لشراء الدواء ، شكل عبء ثقيل على كاهل الوالدين زاد من ثقل رؤيتهم لـ ابنتهم سيلين في حالتها الصحية التي تزداد سوءًا يوم بعد يوم.
